Tibebe & Associates L L C

Tibebe & Associates L L C Our company provides multi service including individual, business, and corporation tax returns, ac

11/04/2024

We will never forget November 4, 2020.

10/31/2024

News You can Use!
=================
New Federal Reporting Requirements for LLCs, Corporations and Business Entities. Congress has passed the Corporate Transparency Act (“CTA”), which went into effect on January 1, 2024. The purpose of the CTA is to prevent bad actors to hide funds through complex ownership structures. The disclosure requirement applies to most LLCs, closely held corporations and similar entities.
The CTA requires existing companies to disclose their beneficial ownership information to the Financial Crimes Enforcement Network (“FinCEN”). Beneficial owners are individuals who, directly or indirectly, own or control a significant portion of a reporting company.

The deadlines for reporting are as follows:

a) For any company created or registered prior to January 1, 2024, you will have until January 1, 2025, to report your beneficial ownership information. Thus, you will have until the end of this year to report your beneficial ownership information for the Companies.

b) For any company created or registered in the year 2024, the beneficial ownership information must be reported within 90 calendar days after the Arizona Corporation Commission (“ACC”) accepts the Articles of organization as “filed.”

c) For any company created or registered on or after January 1, 2025, you must report information within 30 calendar days after the ACC accepts the Articles of organization as “filed.”

Failure to report beneficial ownership information may subject violators to penalties of up to $500 for each day that the violation continues. Violators may also be subject to criminal penalties.

This includes non-profit organizations. If you need help with this filing, contact our office at 301-755-5719 or 240-770-7425.

10/19/2024

በዙዎቻችሁ ለገለፃችሁት የሃዘን ስሜትና ማበረታቻ ቸሩ እግዚአብሔር ብድራችሁን ይከፍል። መስጋናዬና አክብሮቴም ይድረሳችሁ። ቸሩ እግዚአብሔር ከነመላ ቤተሰባችሁ፤ ሰላምን ደስታንና ጤናን ይስጥልኝ። ሕይወትን ሰጭ እግዚአብሔር ነውና፤ የፈቀደውን አድርጓል። ወንዳምችን ዳዊት በየነ ነፍሱ በሰላም ትረፍ።

ወንድሜ ዳዊት በየነ ቸሩ እግዚአብሔር ነፍስህን በዐፀደ ገነት ያኑር። እጅግ ልብ ይሰብራል። ሳቢቲን ባጣን በ2 ዓመታት ውስጥ አንተን ማጣት እጅግ ይከብዳል። ከእግዚአብሔር ጋር ግን መጨቃጨቅ ...
10/15/2024

ወንድሜ ዳዊት በየነ ቸሩ እግዚአብሔር ነፍስህን በዐፀደ ገነት ያኑር። እጅግ ልብ ይሰብራል። ሳቢቲን ባጣን በ2 ዓመታት ውስጥ አንተን ማጣት እጅግ ይከብዳል። ከእግዚአብሔር ጋር ግን መጨቃጨቅ አይቻልም፤ቸሩ እግዚአብሄር የመረጠውን ይወስዳል።ገና በወጣትነትህ፤ ብዙ መስራት በምትችልበትና በተዘጋጀህበት ወቅት ማለፍህ ግን፤ እጅግ ያማል። ለመላው ቤተሰብ መጽናናት ይሁን ከማለት ሌላ ምን ይደረጋል።

10/13/2024

“ሺህ ዝንብ ቢሰበሰብ መግላሊት አይከፍትም” ሃገራዊ ብሂል።
====================================
ባንዳ በኢትዮጵያ ላይ ለደረሰው ተደጋጋሚ ጥቃት በር የከፈተ ነውረኛ ፍጥረት ቢሆንም፤ ባንዳም ሆነ ላኪዎቹ፤ በአንድም ወቅት ኢትዮጵያን ያነበረከኩበት ወቅት የለም። ከታሪክ የማይማሩ የዘመናችን ባንዳዎች፤ በሕዝብ የተመረጠን መንግሥት በጠብመንጃ ከሥልጣን እናነሳለን በሚል ቅዠት ነጋ ጠባ እየተውተረተሩ ይገኛሉ፤ ያም ሆኖ አንድ እርምጃ መራመድ አልቻሉም።ይህ ገና “ለአቅመ ጦርነት” ያልደረሰ የወጠጤ ቡድን፤ ዓረመኔና ጨካኝ የሆነበትም ምክንያት ዓላማው ሕዝብ ሳይሆን በምናቡ የሚያያት የአራት ኪሎ ወንበር እንደሆነች ስራው ያሳብቃል።
የዚህ ዝርክርክ ቡድን ላኪዎች፤ ውጪ በተደላደለ ኑሮ ላይ ያሉ፤ ለሃገራቸው የፈሰሰ ወኃ አቅንተው የማያውቁ፤ የጡረታ ዘመናቸው እስኪደርስ ለግል ሕይወታቸው ቀና ደፋ ያሉና የጡረታ ጊዜያቸው ሲደርስ፤ ኢትዮጵያ ውስጥ ሥልጣን ለመያዝ “አቅም አለን” በለው እራሳቸውን አግዝፈው የሚያዩ የእድሜ ባለፀጎች ግን በአስተሳሰብ የቀነጨሩ መሆናቸውንንም ታዝበናል።
እነዚህ አዛውንቶች፤ ከኢትዮጵያ ታሪካዊ ጠላቶች በሚጣልላቸው እርጥባን፤ በሚጭሯቸው የተለያዩ አሰልቺ ጽሁፎች፤ ኢትዮጵያዊነትን የሚያራክሱ፤ በባሕላችንና በታሪካችን እንዳንኮራ፤ ባሕላችንና ታሪካችንን የሚያኮስሡና እኛንም ሊያሸማቅቁ የሚሞክሩ ናቸው። ይህ በኮሎኒያሊስቶች እሳቤ የተቀመረው ዕኩይ አስተሳሰብ በእነዚህ ቀለም በቆጠሩና ዲግሪ በቆለሉ፤ ግን ፍጹም ግንዛቤ በጎደላቸው እነከፎች በየማህበራዊ ሚድያው ሌት ተቀን እየተሰበከ የምናየው ነው።
እነዚህ ሰዎች ከሞቀ ቤታቸው ተቀምጠው የፈጠሩት፤ በሃሳብም፤ በገንዘብም በምራልም፤ በከፍተኛ ፕሮፖጋንዳም የደገፉት ዝርክርክና ፈሪ ኃይል፤ አንድ ስንዝር እንኳን መራመድ ባለመቻሉ ቁጭት የፈጠረባቸው ባንዶች፤ ይህንን ዝርክርከ ኃይል አንዴ ከወያኔ ጋር ሌላም ጊዜ ከሸኔ ጋር ግምባር እንዲፈጥር የሚቻላቸውን ሁሉ አድርገዋል። በኪሳቸው የያዟት የንግስና አክሊላቸው እየጋለች ባቃጠለቻቸው ቁጥር፤ ሃገርንና ጠቅላይ ሚኒስትሩን ለማዋረድ በየድኅረ ገፁ የሚለቋቸው መሰረት ቢስ ጽሁፎች፤ እነሱኑ የዓለም መሳቂያ እንዳደረጋቸው በቅርቡ የቀድሞው የአሜሪካ ባለሥልጣን በማያሻማ ሁኔታ አስረግጠው ነግረውናል።
ኢትዮጵያ ከሶማሊያ ላንድ ጋር ያደረገቸውን ስምምነት ተከትሎ፤ የሶማሊያው መሪ ሲያነጥስ፤ መሃረብ ለማቀበል ሲሩሯጡ፤ እርስ በእርስ ተጠላልፈው ሲወድቁም አይተናል። ይህንን ተከትሎ፤ አልሲሲ የተባለ ቀፎ፤ ወደ ሶማሊያ ወታደርና መሳሪያ ሲልክ፤ አጀብ ሲሉና’ “ከጎንህ እንቆማለን” ብለው ሲያላዝኑም በትዝብት አየን። የአልሲሲን እርምጃ ተከተሎ፤ ኢትዮጵያ አስፈሪውን ጦሯን ወደ ሶማሊያ ድንበር ስታስጠጋ፤ “እኔ ከኢትዮጵያ ጋር ጦርነት አልፈልግም” ሲል አልሲሲ ተማጽኖ ጀምሮ፤ ፊቱን ወደ ኤርትራው አምባገነነ ኢሳያስ አፍወርቂ ሲያዞር፤ ጫማውን የሚልሱ ባንዶችም በምናባቸው ከአልሲሲ ጋር ወደ አስመራ ከነፉ። የሶስትዮቹ ጥምረት ግን እንኳን ኢትዮጵያን ሊያስበረግግ ቅንድቧን እንኳን እንድታኮሳትር አላደረጋትም።
የኢትዮጵያ መከላከያ ሰራዊት በአማራ ክልል 'ወሳኙን እርምጃ መውሰድ ልጀምር ነው እስካሁን ለሰላም የከፈትኩትን በር አልትጠቀማችሁበትም' በማለት ከመከላከል ወደ ማጥቃት ሲሸጋገር፤ ድሮም በየጥሻው እየተሹለከለከ ኅፃናትን ሴቶችንና፤ አዛውንትን ሲገድል የነበረው ዝርክርክ ኃይል መሪ፤ ለተከታዮቹ እራሳችሁን አድኑ ወደ ተራራው ሩጡ፤ የሚል ጥሪ አስተላለፈ። ይህ ጩኸት ግን ደናቁርት የደም ነጋዴ ፕሮፖጋንዲስቶችን የሃስት ትርከት አላስቆመመ። ዛሬም “ፋኖ ማረከ” “ፋኖ ገደል” “ፋኖ ወደ አዲስ አበባ እየተጠጋ ነው” እያሉ ያስቁናል። ዛሬ ዘመነ ካሴ የተባለ ሽፍታ ገረጨጭ የተባለ ቦታ ላይ ተከቦና፤ እሱን አድናለሁ ብሎ የመጣው በሃሰት ዲስኩር ይህንን ኃይል የተቀላቀለ ወጣት በሚያሳዝን ሁኔታ እየረገፈ ባለበት ሁኔታ፤ “ፋኖ እያሸነፈ ነው” ይሉናል። ይህ የደም ነጋዴ የዩቲዩብ ሳንቲሙን ለመሸቀል በወጣቶች ሕይወት ላይ ከመቆመር ውጭ፤ ምንም ሞራል የሌለው የቦዘኔ ስብስብ ከመሆኑም በላይ፤ ኢትዮጵያን ለመጉዳት ከማንም ጋር ለመሰለፍ የፈቀደ መሆኑንም አይተናል።
የዩቲዩብ የደም ነጋዴውና አዛውንቶቹ በዚህ ዝርክርክ ኃይል ተስፋ ቆርጠው፤ አሁን ደግሞ ከኤርትራ ጋር ጦርነት እንዲፈጠር “ፆም ፀሎት” ሳይጀምሩ አልቀረም። “እንዲህ ዓይነት ውርደት በዘራችሁ አይድረስ” ነበር ያሉት ፊልድ ማርሻሉ። ኢትዮጵያ ከማንም ጋር ጦርነት ውስጥ የመጋብት ፍላጎት የላትም፤በተለይ በአሁን ስዓት ድህነትን ታሪክ ለማድረግ ትኩረቷን ልማት ላይ አድርጋ ሌተ ተቀን እየሰራች ነው። ግን ማንም ሁን ማን፤ ኢትዮጵያን ለማጥቃት እጅህን ካነሳህ፤ ትቢያ ሆነህ እንደምትቀር በእርግጠኝነት እነግርሃለሁ። ኢሳያስ አፈወርቂ የተባለ ጉድ፤ ኢትዮጵያን ደፍሮ ይወጋል ብለህ የምታስብ ከሆነ፤ ገና በቅዠት ውስጥ ነው ያለኽው። እንኳን ኢሳያስ፤ ግብጽም በፍርሃት ርዷል። በተመቻቸ ቤት ውስጥ ልጆችህንና ሚስትህን አቅፈህ፤ በሃሰት ትርከት ምስኪኑን የገበሬ ልጅ አታስፈጅ። ሃገራዊ ብሂሉ አስረግጦ እንደሚነግረን “ሺህ ዝንብ ቢሰበሰብ መግላሊት አይከፍትም”።
“ኢትዮጵያ በጠንካራ ልጆቿ ፀንታና ታፍራ ትኖራለች”

10/13/2024

ምድረ ባንዳ፤ ኢትዮጵያ ከኤርትራ ጋር እንድትዋጋ ፈልጓል፤ ይህ ባንዳ ኃይልም ከኤርትራ ጎን እቆማለሁ እያለ ይለፍፋል ይህ እራሱን ችሎ መራመድ የማይችል ኃይል፤ በአሽከርነት ሊመጣ እያከከው ነው።

10/13/2024

Ethiopia's enemies are itching for war. Ethiopia will be defended from external & internal enemies but will not start a war.

10/12/2024

"የዝንብ ስብስብ ጋን አይከፍትም" ሃገራዊ ብሂል
አቤ ረታ ከተባለ አስተያየት ሰጭ የተወሰደ። ለእኔ ደሞ ይህ መልዕክት ለሻዕብያና ለቱልቱላዎቹ ይድረስልኝ።

10/12/2024

ኢትዮጵያ ኤርትራን ገፍታለችን? “ውሻ በበላበት ይጮሃል” ሃገራዊ ብሂል።
==========================================
ፋሲል የእኔዓለም እና መሳይ መኮንን የተባሉ ደናቁርት፤ ለጋላቢያቸው ለኢሳያስ አፈወርቂ ሲያሸረግዱ፤ “ኢትዮጵያ ኤርትራን ገፍታለች” በሚል ዲስኩር ለኢርትራ “ኩርፍያ” ዶ/ር ዐብይ ላይ ጣት ሲጠቁሙ፤ “ሃቅና ሳቅ” በተባለ ሚድያ ላይ ሰማሁ (መቼም ቢሆን ጊዜ ሰጥቼ መሳይና ፋሲል የሚባሉ ደናቁርት ያሉበትን ሚድያ አልሰማም)። ለእነሱ እኔ ተሸማቀኩ፤ አፈርኩ፤ ኢትዮጵያዬ በስንት ከሃዲ ከጀርባሽ ትወጊያለሽ ብዬም አማተብኩ። እነዚህ ደናቁርት ለመሆኑ ኢሳያስ የተባለ ፋሽስት ለምን እንዳኮረፈ ያውቃሉ? ይህንን የመገንዘብስ አቅም አላቸው ብዬ ለመጠየቅ ተገደድኩ። ዘመኑ፤ ማይክሮፎን የጨበጠ ሁሉ “አዋቂ ነኝ” የሚልበት ዘመን በመሆኑ፤ ይህ ማህበራዊ ሚድያ ስንቱን ደናቁርት አደባባይ ላይ ወጥተው የቆጥ የባጡን ሲዛባርቁ አሳይቶናል።
ለመሆኑ የኢትዮጵያ ጥፋት ምኑ ላይ ነው? ኢሳያስ ያኮረፈው፤ ለምን ከወያኔ ጋር የነበረው ግጭት በሰላም ተፈታ በሚል ብስጭት ነው። ኢሳያስን ለማስደሰት፤ የትግራይ ሕዝብ ማለቅ ነበረበት? በርግጥ መሳይ መኮንን የተባለ አረመኔ፤ የትግራይ ሕዝብ እንዲጨፈጨፍ የነበረውን ፍላጎት በአደባባይ ሲደሰኩር ሰምተናል። የመሳይና የኢሳያስ ፍላጎት አንድ በመሆኑም ይሆናል፤ ይህ መሃይም “ኢትዮጵያ ኤርትራን ገፍታለች” ሲል በድፍረት የደሰኮረው።
እነዚህ መሃይማን በዚህ ብቻ አላበቁም። “ለዐብይ አሕመድ ሥልጣን መጽናት፤ ኢሳያስ ባለውለታ ነው” ይሉናል። እንዴት ለሚለው ግን የሚያቀርቡት ምንም መረጃ የለም። የሰሜን ዕዝ በወያኔ ሲመታ፤ የኢትዮጵያ ሰራዊት ወደ ኤርትራ አፈግፍጎ እንደገና እንዲደራጅ የኤርትራ ሰራዊት እድል መስጠቱ የማይካድ ውለታ ነው። ግን ወያኔ የተሸነፈው፤ ኤርትራ በጦርነቱ ስለተሳተፈች ነው የሚለው ፍፁም የተሳሳተ እና ጭብጥ የሌለው ድምዳሜ ነው። በወቅቱ፤ የኢትዮጵያ መከላከያ ሰራዊት ከሕወሃት ያነሰ ኃይል ቢኖረውም፤ የኢትዮጵያ መንግሥት ከተለየዩ ክልሎች የነበሩ የልዩ ኃይል ሰራዊቱን በማሰባሰብ፤ እንዲሁም ለሰላም አስከባሪነት የተሰማራውን ሰራዊቱን ወደ ሃገር በመመለስ በበቂ ሁኔታ ኢትዮጵያን መመከትና ሕወሃትን ማሸነፍ ይችል ነበር። የኤርትራ ሰራዊት ተጨማሪ ኃይል ቢሆንም፤ ኢትዮጵያን ከፍተኛ ዋጋ ያስከፈለ ኃይል እንጂ፤ በጦርነቱ ድምዳሜ ላይ ብዙም አቅም የፈጠረ አልነበረም።
ብዙዎች የማይረዱት፤ ወይም መረዳት የማይፈልጉት፤ የኤርትራ ሰራዊት ወደ ጦርነቱ የገባው፤ ለኢትዮጵያ ሲል ሳይሆን፤ ለራሱ ሲል ነው። ወያኔ በለስ ቀንቶት ቢሆን ኖሮ፤ የኢሳያስ አፈወርቂ መንግሥት መጨረሻው በሆነ ነበር። የኢሳያስ አፈወርቂን ሥልጣን ለማዳን ሲባል ነው፤ የኤርትራ ሰራዊት ጦርነቱን የተቀላቀለው እንጂ ለኢትዮጵያ ሲባል አልነበረም። የኢስያስ መንግሥት ለኢትዮጵያ ቀናኢ አስተሳሰብ እንደሌለው በተደጋጋሚ በፃፍኩት ጽሁፍ “የአደጋ ደወል” ደውያለሁ። ጠቅላይ ሚኒስትር ዐብይ ወደ ሥልጣን እንደመጡ ከኤርትራ ጋር ያለውን ችግር ለመፍታት የተቻኮለ እርምጃ ወስደዋል ብዬ አምናለሁ። 07/04/2018 ሪፖርተር ጋዜጣ ላይ ጥንቃቄ የሚያሻው የኤርትራ ጉዳይ - ሪፖርተር - Ethiopian Reporter - #1 Best And Reliable News Source In Ethiopia በሚል ርዕስ የማስጠንቀቅያ ደውል ደውዬም ነበር።
ዛሬ፤ ኢሳያስ አፈወርቂ፤ እንደነ መሳይ መኮንን፤ ደረጀ ሃብተወልድ፤ አበበ ገላው፤ ፋሲል የኔዓለም እና መሰል ፕሮፖጋንዲስቶች ከኤርትራ ሕዝብ ጉሮሮ እየነጠቀ የሚሰጣቸው ድጎማ፤ ኢትዮጵያን ለማተራመስና እርስ በእርስ እንድንባላ የተደገሰ ድግስ ለመሆኑ ለማንም ቅን ኢትዮጵያዊ አይጠፋውም። “ውሻ በበላበት ይጮሃል” እንዲሉ፤ የኢሳያስን ፍርፋሪ መልቀም የለመዱት ቱልቱላዎች አደባባይ ወጥተው ኢትዮጵያን በሃሰት ሲከሱና ሲወጉ ማየት ታሪክ እራሱን እየደገመ እንደሆነ ፍንትው አድርጎ ያሳየ ነው። ባንዳ ለኢትዮጵያ አዲስ አይደለም፤ ኢትዮጵያ ባንዳንና ባዳን ስትዋጋ ለዓመታት ቆይታለች።
ጭብጡ የሚያሳያው፤ ኢሳያስ አፈወርቂ፤ የትግራይ ሕዝብ ለምን አልጠፋም እንዳኮረፈ ነው። ጭብጡ የሚያሳየው፤ የኢሳያስ መንግስት ነው የኢትዮጵያ አየር መንገድ ወደ ኤርትራ እንዳይበር ጫና የፈጠረውና የከለከለው፤ ጭብጡ የሚያሳየው ኢሳያስ አፈወርቂና ቡድኑ በተደጋጋሚ ኢትዮጵያ ላይ በደል መፈፀማቸውን ነው፤ጭብጡ የሚያሳየው ኢትዮጵያ የባህር ባር እንዳታገኝ፤ ሌት ተቀን እንቅልፍ ሳይተኛ እየተጋጋጠ ያለው የኤርትራ መንግሥት ነው፤ ጭብጡ የሚያሳየው ኤርትራ ኢትዮጵያን መግፋቷን ነው።
ጭብጡ የሚያሳየው ኢትዮጵያ ለኤርትራ ባለውለታ መሆኗን ነው፤ ኢትዮጵያ ነች የጥላቻ ድልድዩን አፍርሳ ሰላም እንዲፈጠር እርምጃ የወሰደችው፤ ኢትዮጵያ ነች ኤርትራ ከተጫነባት የዓለም አቀፍ ማዕቀብ እንድትላቀቅ ከፍተኛ ጥረት ያደረገችው። ዛሬ በርካታ ኤርትራውያን፤ ከዚህ አንገፍጋፊ ከሆነ የኢስያስ የግፍ አገዛዝ ሸሽተው መጠጊያና መጠለያ ያደረጓት ኢትዮጵያን ነው። እንደነ መሳይ መኮንን እና ፋሲል የኔዓለም ዓይነት ባንዳዎች ግን ይህንን ሃቅ እንዳላይ በማለፍ “ኢትዮጵያ ኤርትራን ገፋች” ይሉናል። “ውሻ በበላበት ይጮሃል” ማለት ይህ ነው። ቸር ይግጠመን።

10/09/2024

“ዶሮ ብታልም ጥሬዋን ነው” ሃገራዊ ብሂል፤
===========================
እራሱን ፋኖ ብሎ የሚጠራው ዝርክርክና አረመኔ ኃይል፤ መሰረት የተጣለለት በእነ አቶ ገዱ አንዳርጋቸው እንደሆነ፤ የኢሳያስ አፈወርቂ ሎሌ የሆነው አንዳርጋቸው ጽጌ ትላንት ነግሮናል። ይህ አደረጃጀት፤ ኢትዮጵያ ከወያኔ ጋር በሕልውና ጦርነት ውስጥ በነበረችበት ጊዜ ለመፈጠሩ አማረ አስረስ ከነገረን ሌላ ተጨማሪ መረጃ ነው። ይህ ኃይል የተፈጠረው “አማራ ትጥቅ ይፍታ ስለተባለ ነው” “በአማራ ላይ ጭፍጨፋ ስለተፈፀመ ነው” ወዘተ የሚለውን የሃሰት ትርከት አደባባይ ያሰጣ ከመሆኑም አልፎ፤ ይህ ስብስብ የካሃዲዎች ስብስብ መሆኑንም ፍንትው አድርጎ ያሳየን ነው።
በተለይ በዲያስፖራ ተቀምጠው፤ በጡረታ ጊዜያቸው የኢትዮጵያን ፖለቲካ “ቤተ ሙከራ” ለማድረግ የሚዳዳቸው በአስተሳሰብ የቀነጨሩ እድሜ ጠገብ አዛውንቶች እንደ ቡና አጣጭ ወረኛ ባልቴት ነጋ ጠባ ሃሜትና ውሸት በማውራት ኢትዮጵያን ከግስጋሴ በማስቆም፤ እራሳቸውን ወይም መሰሎቻቸውን ወደ ሥልጣን መንበር እናመጣለን በሚል ቅዠት የሚቻላቸውን ሁሉ ሲያደርጉም አይተናል። በሃገር ላይ ክህደት ፈጽመው ሃገር ላይ የወታደራዊና የኢኮኖሚ ጦርነት አውጀዋል። ይህ ልፋታቸውም ከንቱ ሲሆን አይተናል፤ ግን ሃሜታቸውንና የሃሰት ትርክታቸውን አላቆሙም።
እንደነ መሳይ መኮንን፤ ተስፋዬ ወልደሥላሴ፤ ግዛው ለገሰ፤ ደረጀ ሃብተወልድ፤ እና መሰሎቻቸው ዓይነት ጠብደል መሃይማን ቱልቱላዎችም፤ በፎቶና በቪድዮ የተቀነባበረ የሃሰት ዘመቻም፤ የፈየደው ነገር የለም። በመጨረሻም፤ ጀግናው የኢትዮጵያ መከላከያ ሰራዊት እየወሰደ ባለው እርምጃ፤ የደነገጠው ዘመነ ካሴ የተባለ ሽፍታ ባዶ ቀረርቶ፤ በሃስት ትርከት ያጠመዳቸውን ወጣቶች፤ “እሩጡ” “አምልጡ” እራሳችሁን ድብቁ” ወዘተ ወደሚል የቁራ ጩኸትም እንዲቀይር እንዳደረገው፤ እያየን ነው።ይህ በሃሰት ትርከት በማህበራዊ ሚድያ "የጀገነ" ሽፍታ፤ በፍርሃት ሲናጥም ታዝበናል።
ይህንን ክስተት አይተው አንዳንድ የደነገጡ የዚህ ዝርክርክ ኃይል ደጋፊዎች፤ ወጣቱን ከምታስጨርሱ ተደራደሩ የሚል ሙሾ ጀምረዋል። አንደራደርም አይባልም፤ ቅድመ ሁኔታ አስቀምጣችሁ ተደራደሩ እያለ የሚመክረው “የደጋፊ ቁጥርም” እየበረከተ ነው። ግን፤ በደም ነጋዴው ዩቲዩበር የሃሰት ትርከት ልቡ የደነደነውና አቅሙን የማያውቅ አንዳንድ ዝርክርክ ደግሞ፤ ፋኖ እኮ ቅድመ ሁኔታ አስቀምጧል፤ “ለመደራደር መጀመሪያ ሥልጣንህን አስረክብ ብሏል” እያሉ ያስቁናል። “ብልጽግና ሥልጣኑን ያስርክብና ከዛ በኋላ ፋኖ ይደራደራል” በሚል ዘመን የማይሽረው አስቂኝ ቀልድ አንድንዶች ማህበራዊ ሚድያውን እያጣበቡት ስናይ፤ “ዶሮ ብታልም ጥሬዋን ነው” የሚለውን ብሂል ያስታውሰናል።
እንደ ወሬኛ ቡና አጣጪ ባልቴት ሌት ተቀን ጠቅላይ ሚኒስትሩንና አስተዳደራቸውን የሚዘልፍ ጠንቋይ ኢኮኖሚስትም ሆነ፤ እንደ አንዳርጋቸው ጽጌ አይነት የኢሳያስ አፈወርቂ ሎሌ፤ ወይም ቀን ተሌት በሃሰት ትርከቱ በደም የሚነግደው ዩቲዩበር፤ ስለአማራ ሕዝብ ፍጹም ደንታ የሌላቸው ሰዎች መሆናቸውን ከሥራቸው ውጭ ምንም ምስክር የለም። አንዳርጋቸው ጽጌ በሕልውና ጦርነቱ ወቅት ወደ ባሕር ዳር የሄድኩት ወያኔ አማራ ሕዝብ ላይ ጦርነት በመክፈቱ ነው ሲል በጽንፈኛው ተቀባይነት ለማግኘት በሚመስል መልኩ ታሪክን እንደገና ሊጽፍ ሞክሯል።
አንዳርጋቸው በወቅቱ የመከላከያን መለዮ ለብሶ ወደ መከላከያ ሰራዊት ቀርቦ “ልናበረታታችሁ ነው የመጣነው” ሲል እንዳልነበር፤ ዛሬ ይህንን የመከላከያ ሰራዊት ከድቶ፤ ሊወጉት እንቅልፍ ከሚያጡ ድኩማን ጋር መቆሙ፤ የሰውየውን የአስተሳሰብ ድንክዬነት ብቻ ሳይሆን፤ ዛሬ በግራና በቀኝ፤ እያዋከቡ ወደ መድረክ የሚያመጡትንም ሰዎች የአስተሳሰብ ድህነት ያጋለጥ ክስተት ነው። በማንም የጥንቆላ ኢኮኖሚስት የሌት ተቀን ሃሜት፤ በማንም የደም ነጋዴ ፕሮፖጋንዲስት የሃሰት ትርከት፤ በማንም ባንዳ መንፈራገጥ፤ የኢትዮጵያ ግስጋሴ አይቆምም። የሕዝብን ሥልጣን በጠብመንጃ ለመንጠቅ ልትቃዥ ትችላለህ፤ ጥሬውንም ማለም ትችላለህ፤ ያቺን ጥሬ ግን መቼም አታገኛትም። ሥልጣን የሕዝብ ነው፤ ሕዝብ ደግሞ ሁሌም አሸናፊ ነው።
ወደድክም ጠላህም፤ ኢትዮጵያ በቁርጠኛ ልጆቿ ፀንታ ትኖርላች። ቸር ይግጠመን።

10/06/2024

እንደ አንድ ኢትዮጵያዊ፤ ክብርት ፕሬዝዳንት ሳህለወርቅ ዘውዴ በወንዴው አለም ወስጥ አንገቶን ቀና አድርገው፤ ለሌሎች ሴቶች ምሳሌ በመሆን ለሃገርና ለሕዝብ ለሰጡት አገልግሎት ምስጋናዬ ይድረሶት።

10/06/2024

የክብርት ፕሬዝዳንት ሳህለወርቅ ዘውዴ ነገር፤
===========================

የፖለቲካ ባሕላችን እጅግ አሳፋሪና አዋራጅ በመሆኑ፤ ለዓመታታ ለሃገርና ለሕዝብ የለፉ ዜጎች፤ እኛ ከምንፈልገው የፖለቲካ “መስመር” ወጡ ብለን ስናስብ የምናዘንበው ውግዘትና ክብር ነክ አሳፋሪ “እርግማን” መቀየር ያለበት አክሳሪ የፖለቲካ ባሕል ነው። ትላንት ክብርት ፕሬዝዳንት ሳህለወርቅ ዘውዴ በግል የX አካውንታቸው “ዝምታ ነው መልሴ” የሚል ጽሁፍ በመለጠፋቸው፤ በተለይ መንግሥትን ከሚደግፉ ኃይሎች እየደረሰባቸው ያለው ውግዘትና ፀያፍ ‘ስድቦች” ተገቢ ያልሆነና አደጋውም ከፍተኛ ነው። ኢትዮጵያ በርካታ ብርቅዬ ልጆቿ ወደ ፖለቲካው ዓለም መጥተው ምስቅልቅሉን የፖለቲካ ባሕላችንን መስመር እንዲያሲዙ ትፈልጋለች። ዛሬ ላለንበት የፖለቲካ ቀውስ ዋነኛው ምክንያት በተለይ ከተማሪው ንቅናቄ በኋላ እያደገ የመጣው “የጠረባ ፖለቲካ” ነው። ፖለቲካንና ኤሌክትሪክን ከሩቁ ነው የሚለው እሳቤም በመዳበሩ፤ ብቃት ያላቸው ሰዎች ከመድረኩ እየወጡ፤ አቅም የሌላቸው ወጠጤዎች መፈንጫ የሆነውም በዚህ ምክንያት ነው።
ክብርት ፕሬዝዳንቷንም ሆነ እንደሳቸው ለሃገር ስንት የደከመን ሰው ለማዋረድ መሞከር ሌላውም ወደ ፖለቲካ መድረኩ መጥቶ ሕዝብ እንዳያገለግል አጥር መስራት መሆኑን ልንገነዘብ ይገባል። አንድንዶች፤ ቀደም ሲል የተከበሩ ፕሮፌስረ መስፍን ወልደማርያም (ንፍሳቸውን ይማር) በአንድ ጋዜጣ ላይ ያጋሩትን ጽሁፍ እየለጠፉ ፕሬዝዳንትዋ መመረጥ እንዳልነበረባቸው ሊነግሩን እየሞከሩ ነው። ፕሮፌስር መስፍን ፕሬዝዳንትዋ ቀደም ያሉ ሶስት መንግስታትን አገልግለዋልና ልንቀበላቸው አይገባም የሚል አንድምታ ያለው ጽሁፍ ነበር የአሳተሙት። በአክብሮት፤ ይህንን የፕሮፌሰር መስፍን እሳቤ አልጋራም። ከዚህ ቀደም አይቼው ቢሆን ኖሮም የሰላ ትችት አቀርብበት ነበር።
በማንኛውም ሥርአት ውስጥ ሕዝብንና አገርን ያገለገሉ ዜጎች፤ የስርዓቱ የጥፋት ተባባሪዎች ናቸው የሚለው ፍፁም የተሳሳተ እሳቤ ነው። እነዚህ ሰዎች በዚህ ግልጋሎታቸው ለሃገር ምን አበረከቱ ነው የሚል ጥያቄ ማንሳት ነው ተገቢ የሚሆነው። የቀድሞው ጠቅላይ ሚንስትር ክቡር አቶ አክሊሉ ሃብተወልድ፤ በኢትዮጵያ ታሪክ ውስጥ ኢትዮጵያ ካፈራቻችው ታላላቅ ዲፕሎማቶች አንዱና ቀዳሚው ነበሩ። ለሃገር ብዙ ለፍተዋል ብዙ ደክመዋል። የሃገርም ባለውለታ ናቸው። እሳቸውን በዓጼ ኃይለስላሴ መንግሥት ውስጥ ስለሰሩ ለምን ይኮነናሉ? በደርግ ዘመን በውስጡ ሆነው ደርግን የበለጠ ዲያቢሎሲያዊ እንዳይሆን ያደረጉ ሰዎች አሉ። ፕሮፌሰር መስፍን እራሳቸው እኮ በዓፄ ኃይለስላሴም ሆነ በደርግ ዘመነ መንግሥት አገልግለዋል። በነዚህ መንግስታት ውስጥ በማገልገላቸው ግን የሰሯቸውን በጎ ነገሮች በዜሮ ማባዛት ተገቢ ይሆናል ወይ?
በቅርቡ በቶሮንቶ ካናዳ የአበበ በቂላ መታሰቢያ ሽልማትን ያገኙት ክቡር አቶ ከተማ ይፍሩ፤ በውጭ ጉዳይ ሚኒስተርነትና በተለያየ የሥልጣን ዘርፍ ሲያገለግሉ፤ ለኢትዮጵያ ብቻ ሳይሆን አፍሪካን የሚጠቅም በርካታ ሥራዎችን የሰሩ ጀግና ነበሩ። እኝህን ሰው በዓፄ ኃይለስላሴ ዘመነ መንግሥት አገልግለዋል ብለን ልንኮንናቸው ይገባልን?
ክብርት ሳህለወርቅ ዘውዴ፤ የኢትዮጵያ ዲፕሎማት በመሆን በተለያዩ ሃገራት አምባሳደር ሆነው ከማገልገል በተጨማሪ፤ በኢጋድና በተባበሩት መንግሥታትም ኢትዮጵያን ወክለው ለረጅም ዓመታት ደከመኝ ሳይሉ ሃገራቸውንና ሕዝባቸውን አገልግለዋል። እንደኔ፤ እኝህ ታላቅ ሰው፤ የሚገባቸው ምንም ጉልበት የሌለው (Figurehead) የሆኑበት የፕሬዝዳንትነት ቦታ ሳይሆን፤ ልምዳቸውንና አቅማቸውን ሊጠቀሙብት በሚችሉበት የውጭ ጉዳይ ሚኒስትር ቢሆን ለሀገር ብዙ ጥቅም ባስገኙ ነበር። እንደ መጀመሪያ ኢትዮጵያዊት ሴት ፕሬዝዳንትም፤ ለብዙ ወጣት ሴቶች ምሳሌ የሆኑና፤ የተሰጣቸውን ኃላፊነት በብቃት የተወጡ ሴት ናቸው። ብዙዎችቻን፤ የሥራ ድርሻቸው ምን እንደሆነ ስለማንረዳ፤ ብዙ ትችት ወርዶባቸዋል። እኝህ ሰው ምንም የፖለቲካ ጉልበት የላቸውም፤ የፖለቲካ ጉልበቱ ያለው ጠቅላይ ሚኒስትሩ እጅ ላይ ነው። ይህም ያለንበት የፓርላመንተሪ ስልተ ስርዓት የሚፈቅደው ይህንን በመሆኑ ነው። ልክ እንደ እስራኤሉ ፕሪዝዳንት፤ እንደ እንግሊዙ ንጉስ፤ ሳህለወርቅም የፖለቲካ ጉልበት የላቸውም። አንዳንድ ሰዎች በዚህ ምክንያት፤ በሳቸው ላይ ቅሬታ ሊይሳድርይ ይችላሉ። ፕሬዝዳንቷ ሲያጠፍ፤ አስፈላጊ በሆነ መንገድ መተቸት ተገቢ ነው። ለማዋረድ መሞከርና አላስፈላጊ ዘለፋ ግን በምንም ዓይነት እሳቤ ተገቢ ሊሆን አይችልም።
ትላንት በX ገፃቸው የለጠፉት ጽሁፍ ማስተላለፍ የፈለጉት መልዕክት ምንም ይሁን፤ እኛ በምንፈልገው መልክ እየተረጎምን፤ እሳቸውን ለማዋረድ መሞከር ፍፁም ተገቢ አይደለም። እንደ ማንኛውም ሰው፤ እኝህ ሰው የመሰላቸውን ነገር የመግለጽ መብት አላቸው። መንግሥት በሚያራምደው ፖሊሲም ቢሆን ተከፋሁ የማለት መብታቸው የተጠበቀ ነው። በመንግሥት የኃላፊነት ቦታ ያሉ ሁሉ፤ በሁሉም ፖሊሲ ላይ እኩል የሆነ መግባባት አላቸው ማለት አይደለም። ባይሰማሙም፤ አብዛኛው የካቢኔ አባል ወይም የሕዝብ ተወካዮች ምክር ቤት አባል ለሚወስነው ውሳኔ ተገዥ ይሆናሉ። ስለዚህ፤ ከፕሬዝዳንቷ ላይ እጃችሁን አንሱ። ለዘመናት ለሃገር የሰሩትን ሥራ በዜሮ በማባዛት፤ የሌላውንም ሞራል አትንኩ። የሌላውን መብት ሳናከብር፤ የራሳችንን መብት ማስከበር አንችልም። እኔ በግሌ እንደ አንድ ኢትዮጵያዊ፤ ክብርት ፕሬዝዳንት ሳህለወርቅ ዘውዴ በወንዴው አለም ወስጥ አንገቶን ቀና አድርገው፤ ለሌሎች ሴቶች ምሳሌ በመሆን ለሃገርና ለሕዝብ ለሰጡት አገልግሎት ምስጋናዬ ይድረሶት እላለሁ።

Address

6832 New Hampshire Avenue Takoma Park, MD 240-688-3342
Takoma Park, MD
20912

Opening Hours

Monday 10am - 6pm
Tuesday 10am - 6pm
Wednesday 10am - 6pm
Thursday 10am - 6pm
Friday 10am - 6pm
Saturday 10am - 6pm

Telephone

(301) 755-5719

Website

Alerts

Be the first to know and let us send you an email when Tibebe & Associates L L C posts news and promotions. Your email address will not be used for any other purpose, and you can unsubscribe at any time.

Shortcuts

Share

Category