Green Solutions Pro

03/18/2024

Why past due return filing is important?

ကျွန်တော်တို့ တတွေ ဒီနိုင်ငံ ပြောင်းရွေ့ အခြေချရတာ မလွယ်ပါဘူး။ အချိန်ရှိတိုင်းကို ဘာလုပ်ရမလဲ ချည်း တွေးနေကြရပါတယ်။ Day-shift ဆင်းလိုက် Night-shift ဆင်းလိုက် Uber လေး Door-dash လေး ပြေးဆွဲလိုက်နဲ့ အားရတဲ့ အချိန်ကို မရှိပါဘူး။

အချိန်က အားအားယားယား မရှိတော့ တစ်ချို့ ကိစ္စတွေဆို နောက်မှ ပြောတော့မယ် နောက်မှ လုပ်တော့မယ် နောက်မှသွားတော့မယ်..... နောက်မှ နောက်မှ နဲ့ နောက်ချန် ပစ်လိုက်တော့တယ်၊ ဖြစ်ချင်တော့ နောက်ချန်တဲ့ ကိစ္စကြီးငယ်ထဲမှာ ဒီ tax return filing ပါ ပါသွားတတ်ပါတယ်

ဒီမှာ ပြောချင်တာက ဒီ အိုင်အာအက်စ် ဆိုတဲ့ အသုံးလုံး ဟာ သူပေးရမယ်ဆိုရင်သာ သူမှာ စာရင်း record မရှိလို့ပါ ဆိုပြီး နဝေတိမ်တောင် အချင်ယောင် ဆောင်တာ သူသာ ရ ရမယ့် အခွန် ဆိုလို့ကတော့ ဘယ်တော့မှ ပြေးမလွတ်အောင် နောက်က တကောက်ကောက်လိုက်လေ့ရှိပါတယ်၊

Self employed 1099, 1065 , Dividends စသဖြင့် ကိုယ်ပိုင်အလုပ်လုပ်ကြသူတွေရော အရင်းအနှီးနဲ့ passive income ရှာတဲ့ သူတွေပါမကျန် ဒေါင့်စုံ နေရာစုံအောင် အခွန် လက်တံက ရှည်လွန်းပါတယ်၊

မျိုးမျိုးမြတ်မြတ်ကျန်အောင် ဆိုပြီး ကိုယ်ပိုင်အလုပ်ကို ကံအား ညာဏ်အား ဝိရိယအားတွေ အကုန်မကျန်သုံးပြီးခါမှ အရင်းအနှီးအားလိုလို့ loan လျှောက်တဲ့အခါ pending ဖြစ်နေတာတွေ
အိမ်ဝယ်မယ်ဟေ့ ဆိုပြီး ချစ်ချုပ်ငွေစု ဒေါင်းတောင်ချနိုင်ပြီးကါမှ Home Loan က pending ဖြစ်နေတာတွေဟာ တကယ်တော့ Tax Return နှစ်စဉ် မလုပ်လို့ပါ။

ဝမ်းသာစရာ ကောင်းတာက အိုင်အာအက်စ်က အဲသလို နှစ်လွန် နှစ်ကျန် Tax Return တွေကို filing လုပ်ခွင့်လမ်းဖွင့်ပေးထားပါတယ်၊ တစ်ချို့နှစ်တွေ ဆို e-file တောင် တင်ခွင့်ပေးထားပါသေးတယ်။

ကြော်ငြာဝင်ပါမယ်၊

ဆူချီဘောစ့်တွေ ကိုယ်ပိုင်လုပ်ငန်း small business , self employed (Uber, Lyft etc) သမားတွေ Tax ပြဿနာ ကူညီဖြေရှင်းပေးပါတယ်၊ နောက်ကျ Tax Return တွေ တင်ပေးပါတယ်။

ကျေးဇူးတင်ပါတယ်။

01/09/2023

ဒီနှစ် အခွန်ရာသီမှာ မိသားစုတွေ အတော်များများ တွေးကြမှာက ဒီနှစ်လည်း မနှစ်ကလိုပဲ Tax Return များများရအုံးမှာလား? ဆိုတာပဲ ဖြစ်ပါလိမ့်မယ်။
ငွေကြေးက ဖောင်းပွပြီး စရိတ်တွေက နှစ်ဆလောက် ဖြစ်နေတာဆိုတော့ အစိုးရထောက်ပံ့ကြေး မျှော်တာသဘာဝကျပါတယ်။ ဒါပေမယ့် IRS က မနှစ်က ပေးတဲ့ အတိုင်း Credit တွေကို မပေးတော့တာမို့ နည်းသွားမှာတော့ သေချာပါတယ်။

Child Tax Credit
မနှစ်က ကလေးတစ်ယောက်ကို $3600 သတ်မှတ်ခဲ့ပေမယ့် ဒီနှစ်မှာတော့ ကိုဗစ်မဖြစ်ခင်ကာလလိုပဲ $2000 ပဲ ပေးတော့မှာ ဖြစ်ပါတယ်။

Earned Income Tax Credit
ကလေးမရှိ, အလုပ်ဝင်ငွေရှိရင် မနှစ်က $1500 ၊ ဒီနှစ် $500 ထိလျှော့လိုက်ပါတယ်။

Child and Dependent Care Credit
ကလေးလူကြီးမိဘ စောင့်ရှောက်စရိတ် ကို အရင် $8000 ကနေ $2100 ထိလျှော့လိုက်ပါတယ်။

Stimulus Check

EIP(Economic Impact Payment) လို့လူသိများတဲ့ Federal Stimulus Check ကတော့ လုံးဝ မရတော့ပါဘူး၊ တချို့ ပြည်နယ်တွေကတော့ ရွေးချယ်ပေးကြပေမယ့် အရည်အတွက် နည်းနည်းပဲဖြစ်ပါတယ်။

01/08/2023

2023 Tax Filling season နဲ့ ပတ်သတ်လို့ သိသင့်တဲ့ ဗဟုသုတလေးပါ။

ဒီ နှစ် အခွန်ရာသီမှာ IRS - Federal အစိုးရက ဝင်ငွေခွန် Income Tax နဲ့ ပတ်သက်လို့ အုပ်စု (၇) စု ခွဲပြီ: အခွန်စည်းကြပ်ထားပါတယ်။

New York State အစိုးရ ကတော့ (၉)အုပ်စု ခွဲပြီးတော့ NYC- City Income Tax ကတော့ အုပ်စု (၄) စုစီ ခွဲကြပါတယ်။

စည်းကြပ်တဲ့အခါ ဝင်ငွေပမာဏ အနည်းအများ ၊ Filing Status (single လား? married လား?) ၊ residential status (ဘယ်နေရာမှာ ဘယ်လောက်နေ) စတဲ့ အချက်တွေကို အဓိကထား တွက်ချက်ပါတယ်။

ပထမဆုံး Federal Income အုပ်စုခွဲပုံ Tax Rate ကို ကြည့်ကြပါမယ်။

ကိုယ့်ရဲ့ ဝင်ငွေက 2022 တစ်နှစ်လုံး မှာ $10,275 ထက် မကျော်ဘူးဆိုရင် ဝင်ငွေ 10% ကိုပဲ အခွန်စည်းကြပ်ပါမယ်တဲ့။ 10% = $ 1027.50 ထက် ပိုပြီးတော့ ကိုယ့်ဆီက အစိုးရက ကောက်ထားပြီဆိုရင် ပိုသလောက် ပြန်ပေးပါလိမ့်မယ်။
Income က $10275 နဲ့ 41775 ကြားမှာ ဆိုရင်တော့ $1027.50 နဲ့ $10275 ထက် ပိုတဲ့ ပမာဏရဲ့ 12% ကိုကောက်ပါလိမ့်မယ်။ ကိုယ်က 2022 မှာ $40000 ရထားတယ်ဆိုပါစို့။ 40000 - 10275 = 29725 ရဲ့ 12% =3567၊ အဲဒါကို 1027.50 နဲ့ပေါင်းတော့ $ 4594.50 က အခွန်ဆောင်ရမယ့် ပမာဏပါ။
ဆွေတော် မျိုးတော်တွေ တော်တော်များများက ဒီအုပ်စုထဲ ဝင်တာများတာ တွေ့ရပါတယ်။ ကိုယ့် W2/1099 ကြည့်ပြီး တွက်ကြည့်နိုင်ပါတယ်။

နောက်အုပ်စုတွေကတော့
$ 41775 ကနေ $ 89075 အထိဖြစ်ခဲ့မယ်ဆိုရင် $ 4807.50 နဲ့ $ 41,775 ထက် အပို ပမာဏ ဝင်ငွေရဲ့ 22% အထိဆောင်ရပါမယ်။

$89,075 ကနေ $ 170,050 အထိဆိုရင် $15,213.50 နဲ့ $ 89,075 ထက်အပိုပမာဏ ရဲ့24% အထိ ဆောင်ရပါမယ်။

$170,050 ကနေ 215,950 အထိဆိုရင် $34,647.50 နဲ့ $ 170,050 ထက်အပိုပမာဏရဲ့ 32% ကိုပေးဆောင်ရပါမယ်။

ဆိုခဲ့တဲ့ အုပ်စုတွေထဲမှာတော့ self-emplyed သမားတွေ small business လုပ်ငန်းရှင်တွေပါနိူင်ပါတယ်။ လစာကောင်းတဲ့ IT ၊ medical profession တွေပါနိုင်ပါတယ်။ ဆောင်ရမယ့် အခွန်ပမာဏက များလာတာမို့လို့ itemized deductions တွေ business expenses (schedule c) တွေနဲ့ စနစ်တကျ ပြင်ဆင်ဖို့ လိုအပ်ပါလိမ့်မယ်။

$215,950 ကနေ $539,900 အထိကတော့ $ 49,335.50 နဲ့ $215,950 ထက်အပိုပမာဏရဲ့ 35% ကို ဆောင်ရပါမယ်။
$ 539,900 ရဲ့ အထက်ကတော့ $ 162,718 နဲ့ $539,900 ထက်အပိုပမာဏရဲ့ 37% ကို ဆောင်ရပါမယ်။

ဒီအုပ်စုတွေထဲမှာတော့ Coparate တွေ၊ အမွေကြီးကြီးမားရတဲ့သူတွေ၊ Mega/Power Millions အကြီးကြီးပေါက်ကြတဲ့သူတွေပါနိုင်ပါတယ်။

ဒါတွေက Federal Income Tax ပဲ ရှိပါသေးတယ်။ NY State Tax နဲ့ City Tax အကြောင်းရေးပါအုံးမယ်။

02/08/2022

အခွန် ဗဟုသုတ ရှယ်ပါရစေ။

Tax Return File ဆိုတာ ဘာကို ပြောတာဘာလဲ၊ အခွန်ဆောင်တာနဲ့ အတူတူပဲလား?

ဒီနှစ်ခုက တူသယောင် ပြောနေကြပေမယ့် လုံးဝ ကွဲပြားခြားနားပါတယ်။

Taxation လို့ခေါ်တဲ့ အခွန်စည်းကြပ်ခြင်း အခွန်ဆောင်ခြင်းက ပြည်သူတွေ အခွန်ဆောင်သူတွေ အနေနဲ့ ဝင်ငွေ အခွန်တွေ အရောင်း အဝယ်အခွန်တွေ Property tax တွေ စသဖြင့် လိုအပ်သလို ဆောင်တာကိုပြောတာပါ။ အမြဲတမ်း တနှစ်ပတ်လုံး အခွန်ဆောင်နိုင်ပါတယ်။
Tax Return Filing ကတော့ နှစ်ကုန်ပြီးရင် ပုံမှန်အားဖြင့် Feb ကနေ April အတွင်း ၂ လ လောက်သတ်မှတ်ထားတတ်ပါတယ်။ ဒီနှစ်တော့ ၁၇ ရက်စောပြီးတော့ Jan 24 ကနေ April 18 ထိ IRS က ခွင့်ပြုပါတယ်။ ဒီကာလ အတွင်း အကြောင်းကြောင်းကြောင့် filing မလုပ်ခဲ့နိုင်ဘူးဆိုရင်လည်း IRS နဲ့ State တွေရဲ့ Tax Department မှာ ရက်ထပ်တိုးတောင်းနိုင်ပါတယ်။

Federal/State/Local အစိုးရအသီးသီးက Tax Payer အခွန်ဆောင်/အခွန်ထမ်းတွေဆီကနေ တနှစ်လုံး ဝင်ငွေအခွန် ကောက်ထား Withheld လုပ်ထားပြီးသားငွေတွေရှိပါတယ်။ ကိုယ်ရတဲ့ W-2 ဖေါင်မှာ ကောက်ခံသွားတဲ့ ငွေအမောင့် ပမာဏ ဘယ်လောက်ရှိတယ်ဆိုတာ ကြည့်နိုင်ပါတယ်။ အဲဒီငွေတွေကို ဝင်ငွေအနဲအများအလိုက် Filling Status အလိုက် ဆိုင်ရာအစိုးရတွေက Return ပြန်ပေး ကြရပါတယ်။ ဒါကြောင့် Tax Return Filing လို့ ခေါ်တာပါ။

Self-employed ကိုယ်ပိုင်အလုပ် လုပ်တဲ့သူတွေ freelancer တွေ Small Business အသေးစားလုပ်ငန်းရှင်တွေကတော့ အကြမ်းဖျင်း တစ်နှစ်ကို ၃ ကြိမ် ဆောင်ဖို့ recommand ပေးကြပါတယ်။ မဆောင်ခဲ့ဘူးဆိုရင်ခုလို Tax Season ကာလမှာ သူပေးစရာ အခွန်ဆောင်စရာ မှန်သမျှကို သတ်မှတ်ထားတဲ့နောက်ဆုံးရက်မှာ ဆောင်ကိုဆောင်ကြရပါတယ်။ Tax Return Filing က ရက် တိုးလို့ရပေမယ့် အခွန်ဆောင်ရမယ့်ရက်က တိုးလို့မရပါဘူး။ နောက်ဆုံးသတ်မှတ်ထားတဲ့ရက် မပေးဆောင်ရင် Tax Debt(အခွန်အကြွေး) အနေနဲ့ ယူဆပြီးအတိုးထပ်တွက်ပြီး ကောက်ပါတယ်။

Tax Return မလုပ်ရင်ရော?
Tax ဆောင်ပေမယ့် Tax Return Filing မလုပ်ရင် ရသင့်တဲ့ အကျိုးခံစားခွင့်တွေမရပါဘူး။ ဥပမာ…..
Tax Return မလုပ်ရင် ကိုဗစ်ကြောင့် ထောက်ပံ့တဲ့ EIP(Economic Impact Payment) ထောက်ပံ့ကြေးမရနိုင်ဘူး၊
အလုပ်လုပ်လို့ ရသင့်တဲ့ Earned Income Credit ,
ကလေးထောက်ပံ့လို့ လူကြီးကို ပြုစုလို့ ရသင့်တဲ့ Credit,
ပညာရေးနဲ့ ပတ်သက်တဲ့ Federal Scholarship လျှောက်မရနိုင်ပါဘူး..
စသဖြင့်ပေါ့လေ ဆုံးရှုံးတာတွေက အများကြီးပါ။
ဒါကြောင့် Tax Return Filing လုပ်ကြပါလို့ အထပ်ထပ် တိုက်တွန်းပါရစေ။
SSN မရှိသေးရင် မရနိုင်သေးရင် ITIN လျှောက်ပြီး Filing လုပ်ကြပါ။
Self-employed တွေအတွက်လည်း ရေးပေးပါအုံးမယ်။
ကျေးဇူးတင်ပါတယ်။

02/08/2022

ခုက သိကြတဲ့အတိုင်း Tax Season ဆိုတော့ Tax Knowledge ရှယ်ပါရစေ။
တကယ်လို့မိတ်ဆွေက Tax Return လုပ်ချင်ပေမယ့် SSN ဆိုရှယ်နံပါတ် မရှိဘူး၊ ဘယ်လိုလုပ်ရမလဲဆိုရင်-
ITIN (Individual Taxpayer Identification Number) နဲ့ လုပ်ရပါတယ်။

US ကနေထိုင် စရိတ် မြင့်တော့ တစ်နှစ်တာ ကုန်ကျစရိတ်ကို Tax Return လုပ်တဲ့အခါ Tax Deduction အနေနဲ့ မတွက်ဘူး Child Care Credit, Dependent Care Credit အနေနဲ့ မတွက်ဘူးဆိုရင် အလွန်တာဝန်ကြီးပါတယ်။ အသက်ရှုမချောင်ပါဘူး။

ဒါကြောင့် married couple တွေ familyတွေ အနေနဲ့ တစ်ယောက်ယောက်က SSN မရှိရင် ITIN တစ်ပြိုင်နက် လျှောက်ပြီး Tax Return လုပ်ပါ လို့ အကြံပေးချင်ပါတယ်။
ITIN နံပါတ်နဲ့ သူများဆီမှာ အလုပ်လုပ်ခွင့် မရှိ, Earn Income Credit မရနိုင်ပေမယ့် ဘဏ်အကောင့်ဖွင့်တာ, ကိုယ်ပိုင်အသေးစားလုပ်ငန်းတွေက စပြီး legally လုပ်ခွင့်တွေ အများကြီးရရှိနိုင်ပါတယ်။

02/07/2022

Tax Return နဲ့ ပတ်သက်လို့ သတင်းကောင်းပါ။
ကိုဗစ်ကြောင့် Tax Return အခွန်ပြန်ပေးငွေတွေ နောက်ကျနိုင်တယ်လို့
အများထင်ကြပေမယ့် ၂ ပတ် အတွင်း ရကြတာကိုတွေ့ရပါတယ်။ Child Tax Credit လိုမျိုး ကတော့ mid-Feb မှ စပေးမယ်ဆိုတော့ အနည်းငယ်နောက်ကျနိုင်ပါတယ်။ မြန်မြန်ရအောင် Direct Depoist အသုံးပြုကြပါလို့ အကြံပေးပါရစေ။

02/02/2022

နေဝင်ညကို ကူးဖြတ်ပြီးမှ
ရောင်နီသာတဲ့ နေ့သစ်ကိုရောက်မယ်
ယုံကြည်ခြင်းနဲ့ ကြိုးစားထားမှ တစ်ချိန်မှာ
အောင်မြင်လွတ်မြောက်မယ်မဟုတ်လား
သံသရာလမ်းဟာ မချောမွေ့တတ်တော့
တာဝန်ကိုယ်စီ အားတင်း ရှေ့ဆက်လှမ်း

After darkest night, naturally it will be a new day.
As we try with confidence, one day we are going to be free, aren't we?
Keeping in mind that in life things are not always easy,
Everyone of us must move forward with responsibilities.

ခွန်အားဖြည့်မိငယ်ရေး-ကိုနေဝင်းဆို-ခင်မောင်တိုး၊ ကိုနေဝင်း////////////////////////////////////////////////////////////////////////// နေဝင်ညကို ကူးဖြတ်ပြီ.....