Аудит, Татварын зөвлөгч төв / Audit service

Аудит, Татварын зөвлөгч төв / Audit service Audit service, Аудитын үйлчилгээ, Аудит, Татварыын зөвлөх үйлчилгээ, Tax service

17 ЖИЛИЙН ТУРШЛАГАТАЙ АУДИТЫН ФИРМ
-Нягтлан бодох бүртгэл✅
-Татварын зөвлөх✅
-Цалин НДШ ✅
-Аудит✅
📍Чингэлтэй дүүрэг 2-р хороо Оршил төв 5 давхар 501 тоот
Утас:99085151, 85551144
✉️[email protected]

21/08/2026

📌 Аудитын тухай хуулийн дагуу->
Аудитын үйл ажиллагаа эрхлэх хуулийн этгээд дараах үндсэн зохицуулалт, шаардлагыг хангана:
🔹 Хэлбэр
Нөхөрлөл эсвэл ХХК байна.
🔹 Тусгай зөвшөөрөл
Монгол Улсын Сангийн яам-аас олгосон тусгай зөвшөөрөлтэйгээр үйл ажиллагаа явуулна.
🔹 Заавал биелүүлэх гол шаардлагууд
✔ Үүсгэн байгуулагч, хувьцаа эзэмшигч нь Монгол Улсын мэргэшсэн нягтлан бодогч байх
✔ Захирал/партнер нь хугацаагүй эрхтэй, Монголын мэргэшсэн нягтлан бодогчдын институт-ээс зөвшөөрөл авсан байх
✔ Доод тал нь 2 үндсэн орон тооны, хугацаагүй эрхтэй мэргэшсэн нягтлан бодогчтой байх
✔ Гадаад байгууллага оролцсон бол:
МНБ-уудын ⅔-аас доошгүй нь Монгол иргэн байх
гэсэн байдаг. Аудит хэрэгтэй бол залгаарай.
🏦ДУМ АУДИТ ХХК
Утас: 99085151, 85551144
📩[email protected]

21/08/2026

📘 Татварын зөвлөгөө цуврал №10 — ХАСАГДАХГҮЙ ЗАРДАЛ
Нягтлан бодогч бүр “хасагдах” болон “хасагдахгүй” зардлын ялгааг мэддэг ч заримдаа хасагдахгүй зардлыг андуурч хасагдах зардалдаа шингээдэг.
Ингэснээр татварын шалгалтаар акт, торгуульд орох эрсдэлтэй болдог ⚠️
🧾 Хасагдахгүй зардал гэж юу вэ?
ААНОАТ-ийн тухай хуулийн 16 дугаар зүйлд зааснаар дараах зардлуудыг хасагдахгүй гэж үздэг.
Хялбар хэлбэл, дараах 3 төрлийн зардал бол хасагдахгүй зардал юм 👇
1️⃣ Үйл ажиллагаатай холбоогүй зардал
→ Компанийн үндсэн үйл ажиллагаанд хамаарахгүй, хувийн буюу бусад зориулалттай зардал.
2️⃣ Тухайн жилийн зардал биш
→ Өмнөх эсвэл дараагийн жилийн үйл ажиллагаанд хамаарах зардлыг тухайн жилийн зардалд оруулах.
3️⃣ Баримтгүй (и-баримтгүй) зардал
→ Нотлох баримтгүй, и-баримт илгээгээгүй тохиолдолд хасагдахгүй гэж үзнэ.
🚫 И-баримттай байсан ч хасагдахгүй тохиолдол бий!
Хуульд зааснаар дараах зардлууд и-баримттай байсан ч хасагдахгүй зардалд ордог:
Ажилтнууд болон харилцагчдад зориулсан амралт, зугаалга, шинэ жил, баяр ёслолын зардал,
Үүнтэй адилтгах бусад зарцуулалт (жишээ нь урамшууллын үдэшлэг, хандив, бэлэг гэх мэт).
🎯 Жишээ:
Компанийн шинэ жилийн арга хэмжээний зардлыг “сургалт” эсвэл “баг хамт олны урамшуулал” нэрээр хасагдах зардалд оруулсан бол — энэ нь хуульд нийцэхгүй, татварын шалгалтаар хасагдахгүй зардалд тооцогдоно.
✅ Зардлаа шалгахдаа дараах 4 зүйлийг анхаар:
Энэ зардал танай компанийн үйл ажиллагаатай шууд холбоотой юу?
Тухайн жилд гарсан зардал мөн үү?
Баримт бүрэн, хүчинтэй юу (и-баримт, гэрээ, шийдвэр гэх мэт)?
Энэ зардлыг татварын хуульд хасагдах гэж зөвшөөрсөн үү?
Хэрвээ дээрх 4 асуултаас нэг нь “ҮГҮЙ” бол — тухайн зардал хасагдахгүй зардалд орно гэсэн үг юм.
⚖️ Хууль зүйн үндэслэл:
ААНОАТ-ийн тухай хуулийн 13.1, 13.2 – Хасагдах зардлын шаардлага
16 дугаар зүйл – Хасагдахгүй зардлын төрлүүд
💡 Санамж:
Амралт, шинэ жил, баяр ёслолын зардлыг хасагдах зардалд оруулах нь татварын эрсдэл дагуулдаг.
Иймээс зардлаа бүртгэхдээ үргэлж үйл ажиллагаатай холбоотой эсэх, хуульд нийцэж байгаа эсэхийг шалгаж байгаарай.

21/08/2026

📊 Нягтлан бодох бүртгэлийн бодлогын баримт бичиг боловсруулах үйлчилгээ
Бид байгууллагын онцлогт нийцсэн нягтлан бодох бүртгэлийн бодлогын баримт бичгийг мэргэжлийн түвшинд боловсруулж санал болгож байна.
🔹 Үйлчилгээний хүрээ:
• НББ-ийн бодлогын баримт бичиг боловсруулах
• Олон улсын болон үндэсний стандартын нийцэл хангах
• Дотоод хяналтын тогтолцоог сайжруулах
• Санхүүгийн бүртгэлийн зөв зохион байгуулалт
🔹 Давуу тал:
✔ Аудит, татварын шалгалтад бэлэн байдал
✔ Алдаа, эрсдэлийг бууруулах
✔ Удирдлагын шийдвэр гаргалтыг дэмжих
📌 Шинээр байгуулагдсан болон үйл ажиллагаагаа сайжруулахыг зорьж буй бүх байгууллагад тохиромжтой.
📩 Дэлгэрэнгүй мэдээлэл авахыг хүсвэл бидэнтэй холбогдоорой. [email protected]

10/08/2026

💡 Татварын зөвлөгөө №1
Ихэнх нягтлан бодогчид үндсэн хөрөнгөд элэгдэх ёсгүй хөрөнгө бүртгэж, үүнийгээ татварын хасагдах зардалд оруулснаар татварын торгууль, алданги хүлээх эрсдэлд ордог.
📌 Сануулахад:
Дараах төрлийн хөрөнгийг элэгдэх үндсэн хөрөнгөд тооцох ёсгүй. Үүнд:
-Уран зураг, урлагийн бүтээл
-Үнэтэй хөөрөг, гоёл чимэглэл, эртний эдлэл
-Эмээл, чимэглэлтэй тавилга гэх мэт. Мөн зарим газар Бараа материалын нөөц үүсгэн бага үнэтэй түргэн элэгдэх зүйлс дээр элэгдэл хорогдол тооцсон байдаг.
🧾 Хууль зүйн үндэслэл:
ААНОАТ-ийн тухай хуулийн 17.7. "Эргэлтийн хөрөнгө, газар, бараа, материалын нөөц, уран зураг, гар урлал, эртний эдлэл, үнэт эдлэл, эдгээртэй адилтгах бусад эд хөрөнгөд элэгдэл, хорогдол тооцохгүй" гэж заасан байдаг.
👉 Тиймээс эдгээр хөрөнгийг үндсэн хөрөнгөд бүртгэж, элэгдэл тооцон татварын хасагдах зардалд оруулбал татварын акт тавигдах эрсдэлтэй.
🕵️‍♀️ Та ч бас байгууллагынхаа үндсэн хөрөнгийн жагсаалтаа нэг шалгаарай — “элэгдэхгүй хөрөнгө” нуугдаж байж мэднэ!
#татвар #ААНОАТ #нягтланбодох #санхүүгийнзөвлөгөө #татварынзөвлөгөө

10/08/2026

🌿 СТОУС 16 — Түрээс (Энгийнээр) IFRS 16 Нягтлан бодогч бүрийн заавал мэдэх стандартын нэг.
СТОУС 16 стандарт нь:
-Хэрвээ түрээсийн гэрээ 1 жилээс дээш хугацаатай байвал,
түрээслэгч тухайн хөрөнгийг баланс дээрээ хөрөнгө ба өр хэлбэрээр бүртгэх ёстой гэж заадаг. Зардал биш. Ихэнх нягтлан бодогчид татварын суурь болон мөнгөн сууриар түрээсийн зардал гарах үед бүртгэдэг ба энэ нь СТОУС 16 стандартын дагуу бол буруу бүртгэл гэж гарж ирэх эрсдэлтэй.
🏢 Юу гарч ирэх вэ?
Түрээсийн хөрөнгө (Right-of-use asset) — Түрээслэгч тухайн хөрөнгийг ашиглах эрхтэй.
Түрээсийн өр төлбөр (Lease liability) — Ирээдүйд төлөх түрээсийн төлбөрийн үүрэг.
📘 Бүртгэл хийх дараалал
1️⃣ Анхны бүртгэл:
Түрээсийн хөрөнгийг → хөрөнгөд бүртгэнэ
Түрээсийн өрийг → өр төлбөрт бүртгэнэ
Жишээ: Компанийн оффисыг 3 жилээр түрээслэв, жил бүр 10 сая₮ төлнө.
→ Ирээдүйн төлбөрийн өнөөгийн үнэ цэнэ ≈ 25 сая₮
→ 25 сая₮-аар хөрөнгө ба өр хоёуланг анх бүртгэнэ.
2️⃣ Дараа нь:
-Түрээсийн хөрөнгөд элэгдэл тооцно
-Түрээсийн өрөнд хүүгийн зардал тооцно
-Түрээсийн төлбөр төлөх бүрт өр багасна
⏱ Хэрвээ түрээсийн хугацаа 1 жилээс бага бол
→ СТОУС 16-д хамаарахгүй
→ Түрээсийн төлбөрийг шууд зардалд бүртгэнэ
✅ Дүгнэлт (Энгийнээр):
Түрээсийн хугацаа Бүртгэл хийх арга
1 жилээс дээш Хөрөнгө + Өр (баланс дээр гарна)
1 жил эсвэл бага Шууд зардал (баланс дээр гаргахгүй)
💡 Товчхон хэлбэл:
Түрээс 1 жилээс дээш бол — “Хөрөнгө + Өр”
Түрээс 1 жил эсвэл бага бол — “Зардал” 👈

10/08/2026

"Банк бус санхүүгийн үйл ажиллагаа эрхлэх аж ахуйн нэгж, байгууллагын
дагаж мөрдөх нягтлан бодох бүртгэлийн журам”- Сангийн сайд болон Санхүүгийн зохицуулах хорооны хамтарсан тушаалаар баталсан байдаг.
Тухайн журамд Монгол Улсын банк бус санхүүгийн үйл ажиллагаанд нийтлэг тохиолддог ажил гүйлгээг хамруулсан байдаг ба тус журамд тусгагдаагүй ажил гүйлгээ
гарсан тохиолдолд холбогдох СТОУС-ын заалтыг мөрдөнө. гэсэн байна.
🏦Банк бус санхүүгийн байгууллагад мэргэжлийн аудитын үйлчилгээ үзүүлнэ. Утас: 99085151
📩[email protected]

28/07/2026

📘 IFRS 18 – Орлогын тайлангийн шинэ стандарт (2027 оноос хүчинтэй) - 2027 оноос бид шинэ орлогын тайланг ашиглаж эхлэнэ. Үүнтэй холбоотойгоор Орлогын тайлангын шинэ маягтыг Сангийн яам болон Санхүүгийн программ хангамж нийлүүлэгчид хөгжүүлэх бизээ.
2027 оны 1-р сарын 1-нээс мөрдөгдөж эхлэх IFRS 18 нь орлогын тайлангийн бүтэц, ангилалд томоохон шинэчлэл авчирч байна.
Зорилго нь компаниудын санхүүгийн тайланг илүү нэгдсэн, ойлгомжтой, харьцуулахад хялбар болгох юм.
🔹 Гол өөрчлөлтүүд:
1️⃣ Орлого, зардлын шинэ 3 ангилал:
Үйл ажиллагааны (Operating): Компанийн үндсэн бизнесийн орлого, зардал
Хөрөнгө оруулалтын (Investing): Хөрөнгө, холбоот компани, мөнгөн хөрөнгөтэй холбоотой орлого, зардал
Санхүүгийн (Financing): Зөвхөн санхүүжилт татах, зээлтэй холбоотой орлого, зардал (жишээ нь хүүгийн зардал)
2️⃣ Шинэ дүнгийн мөрүүд нэмэгдэнэ:
Operating profit or loss – Үйл ажиллагааны ашиг (эсвэл алдагдал)
Profit or loss before financing and income tax – Санхүүжилт ба орлогын татвараас өмнөх ашиг (эсвэл алдагдал)
3️⃣ Management Performance Measures (MPMs):
Менежментийн тодорхойлсон гүйцэтгэлийн үзүүлэлтүүдийг тайланд тайлбарлан тусгах шаардлагатай.
🔸 Юу хэвээр үлдэх вэ?
Орлогын болон цогц орлогын нийт дүнгийн бүтэц хэвээр байна.
Бусад цогц орлоготой холбоотой дүрэм бага зэрэг шинэчлэгдэнэ.
📆 Хүчин төгөлдөр болох огноо: 2027 оны 1-р сарын 1
➡️ Компаниуд одооноос шинэ бүтэцдээ бэлтгэж эхлэх хэрэгтэй! Санхүүгийн программд өөрчлөлт орох байхдаа...
#СанхүүгийнТайлан #НягтланБодох

28/07/2026

🏦Аудит баталгажуулах үйлчилгээ хэрэгтэй бол залгаарай. Олон жилийн туршлагатай найрсаг хамт олон та бүхэнд үйлчилгээ үзүүлэхдээ таатай байх болно. Утас: 99085151

21/07/2026

📘 IFRS 15 — “Орлого хүлээн зөвшөөрөх” гэж юу вэ? 💡
Орлого гэдэг нь компанийн “амь” шүү дээ! 💰
Гэхдээ орлогоо хэзээ, яаж хүлээн зөвшөөрөх вэ? гэдэг нь санхүүгийн тайлангийн үнэн зөв байдалд маш чухал.
Тэгвэл IFRS 15 “Revenue from Contracts with Customers” стандарт нь яг үүнийг тодорхойлдог.
Энгийнээр хэлбэл —
👉 “Бид орлогоо зүгээр мөнгө орж ирэхэд биш,
харин үйлчлүүлэгчдээ амласнаа биелүүлсэн үед хүлээн зөвшөөрнө” гэсэн үг юм.
🎯 IFRS 15-ийн 5 алхам:
1️⃣ Гэрээг тодорхойлох
2️⃣ Гүйцэтгэх үүргийг ялгах
3️⃣ Үнэ (гэрээний дүнг) тогтоох
4️⃣ Үнийг гүйцэтгэх үүргүүдэд хуваарилах
5️⃣ Үүргээ биелүүлсэн үед орлогоо хүлээн зөвшөөрөх
💬 Жишээ нь:
Та барилгын компани бөгөөд 100 сая төгрөгийн байшин барихаар гэрээ байгуулсан гэж бодъё.
Тэгвэл та тэр 100 саяыг нэг дор орлого болгохгүй.
Харин ажил гүйцэтгэл 30% бол 30 саяыг,
70% бол дараагийн 70 саяыг орлого болгон хүлээн зөвшөөрнө. Мөнгөөр төлөгдсөнөөс үл хамаарна.
✅ Давуу тал нь:
Орлогыг илүү шударга, ил тод харуулна
Үйлчлүүлэгчтэй байгуулсан гэрээ бүрийн гүйцэтгэлийг нарийн тооцно
Санхүүгийн тайлан бодитой болдог
💡 Санхүүгийн үнэн зөв байдал – итгэлцлийн үндэс юм.
Тиймээс орлогоо зөв хүлээн зөвшөөрөх нь таны бизнесийн итгэлийг нэмэгдүүлдэг! 💪

#СанхүүгийнМэдлэг #Орлого

**📌 ААНОАТ-ын тайлан гаргах хугацааг товчхон**✅ **Өмнөх жилийн татвар ногдуулах орлого 6 тэрбум төгрөг ба түүнээс дээш б...
21/07/2026

**📌 ААНОАТ-ын тайлан гаргах хугацааг товчхон**

✅ **Өмнөх жилийн татвар ногдуулах орлого 6 тэрбум төгрөг ба түүнээс дээш бол**
• Улирлын тайлан – дараагийн улирлын эхний сарын **20-ны дотор**
• Жилийн тайлан – дараа оны **2-р сарын 10-ны дотор**
✅ **Өмнөх жилийн орлого 6 тэрбум төгрөг хүртэл бол**
• Хагас жилийн тайлан – **7-р сарын 20-ны дотор**
• Жилийн тайлан – дараа оны **2-р сарын 10-ны дотор**
📍 **Анхаарах зүйлс**
✔ Тайланг жилийн эхнээс **өссөн дүнгээр** гаргана.
✔ Суутган ногдуулсан татварын тайланг хавсаргана.
✔ Шинээр байгуулагдсан аж ахуйн нэгж хагас жил, жилийн тайлангийн журмыг мөрдөнө.
✔ Үйл ажиллагаа эрхлээгүй аж ахуйн нэгж дараагийн жилээс жилд нэг удаа тайлагнана.
✔ Уул уурхай, газрын тосны компаниуд үндсэндээ тусгай зөвшөөрөл тус бүрээр тайлагнаж, хуульд заасан нөхцөл хангасан тохиолдолд нэгтгэн тайлагнах боломжтой.
✔ Татварын хөнгөлөлт эдэлж буй төсөл, үйл ажиллагааны тайланг тусад нь гаргана.
📝 **Санамж:** Тайлан гаргах давтамжийг зөвхөн **өмнөх татварын жилд тайлагнасан татвар ногдуулах орлогын хэмжээгээр** тодорхойлдог.
#ААНОАТ #ТатварынТайлан #Санхүү #НягтланБодох #Татвар

Address

Чингэлтэй дүүрэг 2-р хороо Оршил төв 501 тоот. Бөмбөгөр худалдааны төвийн зүүн хойно
Ulaanbaatar

Website

,

Alerts

Be the first to know and let us send you an email when Аудит, Татварын зөвлөгч төв / Audit service posts news and promotions. Your email address will not be used for any other purpose, and you can unsubscribe at any time.

Shortcuts

Share

Category