ក្លឹបគ្រឹះស្ថានឥណទានជនបទកម្ពុជា - Cambodia RCIs Club

20/06/2026

20/06/2026

ក្លឹបគ្រឹះស្ថានឥណទានជនបទ (RCI Club) បានរៀបចំកិច្ចប្រជុំប្រចាំខែមិថុនា ឆ្នាំ២០២៦ ដោយជោគជ័យ នៅថ្ងៃទី ១៩ ខែមិថុនា ឆ្នាំ២០២៦ នៅការិយាល័យកណ្តាលរបស់ក្រុមហ៊ុន ក្រេឌីត ប្យូរ៉ូខេមបូឌា (CBC) ដោយមានការចូលរួមយ៉ាងសកម្មពីសមាជិកគ្រឹះស្ថានឥណទានជនបទ និងដៃគូពាក់ព័ន្ធ។

ក្នុងកិច្ចប្រជុំនេះ សមាជិកបានពិភាក្សា ចែករំលែកបទពិសោធន៍ និងផ្លាស់ប្តូរយោបល់លើប្រធានបទសំខាន់ៗ រួមមាន៖

✅ ការផ្សព្វផ្សាយអំពីវគ្គបណ្តុះបណ្តាល “ការអប់រំហិរញ្ញវត្ថុ” ដែលគាំទ្រដោយអង្គការ ILO, សមាគមធនាគារនៅកម្ពុជា (ABC) និង សមាគមមីក្រូហិរញ្ញវត្ថុកម្ពុជា (CMA) និងឱកាសសម្រាប់សមាជិក និងបុគ្គលិកគ្រឹះស្ថានឥណទានជនបទក្នុងការចូលរួមទទួលការបណ្តុះបណ្តាលបន្ត

✅ បទបង្ហាញ និងកិច្ចពិភាក្សាអំពី “តើគ្រឹះស្ថានឥណទានជនបទគួរត្រៀមខ្លួនបែបណា ដើម្បីស្វែងរកប្រភពទុនបន្ថែម”

✅ ការចែករំលែក និងពិភាក្សាអំពី “លើសពី RCIs៖ ពីអនុលោមភាពតាមបទប្បញ្ញត្តិច្បាប់ ឆ្ពោះទៅកាន់អភិបាលកិច្ចរឹងមាំ និងនិរន្តរភាព”

✅ ការពិភាក្សា និងការត្រៀមរៀបចំ “សិក្ខាសាលាប្រចាំឆ្នាំ ២០២៦” របស់ក្លឹបគ្រឹះស្ថានឥណទានជនបទ

🙏 ក្លឹបគ្រឹះស្ថានឥណទានជនបទ សូមថ្លែងអំណរគុណយ៉ាងជ្រាលជ្រៅចំពោះសមាជិក ដៃគូ និងវាគ្មិនទាំងអស់ ដែលបានចូលរួមចែករំលែកចំណេះដឹង បទពិសោធន៍ និងទស្សនៈដ៏មានតម្លៃ។

🤝 យើងនឹងបន្តពង្រឹងកិច្ចសហប្រតិបត្តិការ ការរៀនសូត្រពីគ្នាទៅវិញទៅមក និងការគាំទ្រគ្នាទៅវិញទៅមក ដើម្បីលើកកម្ពស់សមត្ថភាព ស្ថិរភាព និងនិរន្តរភាពរបស់គ្រឹះស្ថានឥណទានជនបទនៅកម្ពុជា។

The Rural Credit Institutions Club (RCIs Club) successfully held its June 2026 Monthly Meeting on June 19, 2026, at the Head Office of the Credit Bureau Cambodia (CBC), with active participation from Rural Credit Institution members and relevant partners.

During the meeting, members engaged in discussions, shared experiences, and exchanged views on several key topics, including:

✅ Promotion of the “Financial Education” Training Program supported by the International Labour Organization (ILO), the Association of Banks in Cambodia (ABC), and the Cambodia Microfinance Association (CMA), as well as opportunities for Rural Credit Institution members and staff to participate in continued training programs

✅ Presentation and discussion on “How Rural Credit Institutions Can Prepare Themselves to Access Additional Sources of Funding”

✅ Sharing and discussion on “Beyond RCIs: From Regulatory Compliance to Strong Governance and Sustainability”

✅ Discussion and preparation for the Rural Credit Institutions Club’s Annual Seminar 2026

🙏 The Rural Credit Institutions Club would like to express its sincere appreciation to all members, partners, and speakers for sharing their valuable knowledge, experiences, and perspectives.

🤝 We will continue to strengthen collaboration, mutual learning, and mutual support in order to enhance the capacity, resilience, and sustainability of Rural Credit Institutions in Cambodia.

,

29/05/2026

ក្លឹបគ្រឹះស្ថានឥណទានជនបទ (RCI Club) បានរៀបចំកិច្ចប្រជុំប្រចាំខែ ដោយជោគជ័យ នៅថ្ងៃទី ២២ ខែឧសភា ឆ្នាំ២០២៦ នៅការិយាល័យកណ្តាលនៃគ្រឹះស្ថាន ជោគជ័យ ហ្វាយនែន ដោយមានការចូលរួមយ៉ាងសកម្មពីសមាជិកទាំងអស់។

ក្នុងកិច្ចប្រជុំនេះ សមាជិកបានពិភាក្សា ចែករំលែក និងផ្លាស់ប្តូរយោបល់ លើប្រធានបទសំខាន់ៗ រួមមាន៖

✅ ការពិនិត្យ និងពិភាក្សាបន្ថែមលើផែនការសកម្មភាពលម្អិតរបស់ក្លឹបប្រចាំឆ្នាំ ២០២៦
✅ ការពិភាក្សាអំពីវគ្គបណ្តុះបណ្តាលរបស់សមាគមមីក្រូហិរញ្ញវត្ថុកម្ពុជាសម្រាប់គ្រឹះស្ថានឥណទានជនបទ
✅ ការចែករំលែកអំពីការសម្លឹងឃើញ ឱកាសសហការ និងកិច្ចការច្បាប់សម្រាប់សមាជិកក្លឹប
✅ បទបង្ហាញអំពីការប្រើប្រាស់ប្រព័ន្ធ និងឧបករណ៍ឌីជីថលក្នុងវិស័យហិរញ្ញវត្ថុ ដើម្បីបង្កើនផលិតភាព និងប្រសិទ្ធភាពការងារ
✅ ការបង្ហាញអំពីស្វ័យប្រវត្តិកម្មសម្រាប់ការអភិវឌ្ឍសហគមន៍ និងបរិស្ថាន

🙏 ក្លឹបគ្រឹះស្ថានឥណទានជនបទ សូមថ្លែងអំណរគុណយ៉ាងជ្រាលជ្រៅចំពោះសមាជិកស្នូល និងដៃគូទាំងអស់ ដែលបានចូលរួម និងចែករំលែកបទពិសោធន៍ដ៏មានតម្លៃ។

🤝 យើងនឹងបន្តពង្រឹងកិច្ចសហប្រតិបត្តិការ និងការគាំទ្រគ្នាទៅវិញទៅមក ដើម្បីលើកកម្ពស់វិស័យហិរញ្ញវត្ថុជនបទ និងរួមចំណែកដល់ការអភិវឌ្ឍសេដ្ឋកិច្ចសហគមន៍ប្រកបដោយចីរភាព។

The Rural Credit Institutions Club (RCI Club) successfully held its monthly meeting on May 22, 2026, at Chokchey Finance’s office in Phnom Penh, with active participation from club members.

During the meeting, members discussed and exchanged views on several key topics, including:

✅ Review and discussion of the RCI Club’s detailed Action Plan for 2026
✅ Discussion and feedback on training programs organized by the Cambodia Microfinance Association for Rural Credit Institutions
✅ Sharing insights on collaboration opportunities, legal matters, and member engagement within the RCI Club network
✅ Presentation on the use of digital systems and tools in the financial sector to enhance productivity and operational efficiency
✅ Presentation on automation solutions for community and environmental development

🙏 The RCI Club would like to express its sincere appreciation to all core members and partners for their active participation and valuable contributions.

🤝 Together, we will continue strengthening collaboration and mutual support to advance rural finance and contribute to stronger and more sustainable community economic development.

28/04/2026

ក្លឹបគ្រឹះស្ថានឥណទានជនបទ (RCI Club) បានរៀបចំកិច្ចប្រជុំ ប្រចាំខែ នៅថ្ងៃទី ២៧ ខែមេសា ឆ្នាំ២០២៦ ដោយជោគជ័យ នៅការិយាល័យថ្មី CBC កោះពេជ្រ រាជធានីភ្នំពេញ ដោយមានការចូលរួមយ៉ាងសកម្មពីសមាជិក។

ក្នុងកិច្ចប្រជុំនេះ បានពិភាក្សា និងសម្រេចលើចំណុចសំខាន់ៗដូចខាងក្រោម៖

✅ បច្ចុប្បន្នភាពលើកម្មវិធីសប្បុរសធម៌ របស់គ្រឹះស្ថានឥណទានជនបទ

✅ ពិភាក្សា និងកំណត់ទិសដៅផែនការសកម្មភាពលម្អិតរបស់ RCI Club សម្រាប់ឆ្នាំ២០២៦

✅ ទទួលបានការចែករំលែកចំណេះដឹងអំពីផលិតផលធានារ៉ាប់រងអាយុជីវិតខ្នាតតូច

✅ បទបង្ហាញអំពី CBC Mobile App 2. ដែលជាឧបករណ៍សំខាន់ក្នុងការគាំទ្រប្រតិបត្តិការហិរញ្ញវត្ថុឌីជីថល

🙏 យើងខ្ញុំសូមអរគុណចំពោះសមាជិកស្នូលទាំងអស់ និងដៃគូដែលបានចូលរួម និងចែករំលែក។

យើងនឹងបន្តសហការយ៉ាងជិតស្និទ្ធ ដើម្បីលើកកម្ពស់វិស័យហិរញ្ញវត្ថុជនបទ និងគាំទ្រការអភិវឌ្ឍសេដ្ឋកិច្ចសហគមន៍ឲ្យកាន់តែរឹងមាំ។

The RCI Club successfully conducted its Core Group Monthly Meeting for April 2026 at the new CBC Office, Koh Pich, Phnom Penh, with active participation from members.

Key highlights and outcomes from the meeting include:

✅ Update on the Charity Program of Rural Credit Institutions

✅ Discussion and alignment on the detailed action plan of RCI Club for 2026

✅ Insightful sharing on Micro Life Insurance products

✅ Presentation on CBC Mobile App 2. as a key tool to support digital financial operations

🙏 RCI Club would like to sincerely thank all Core Group members and partners for their active participation and valuable contributions.

We will continue strengthening collaboration to promote rural finance and support sustainable community development.

05/03/2026

កិច្ចប្រជុំបើកដំណើរការ “គម្រោងបណ្តុះបណ្តាលសមត្ថភាពដល់គ្រឹះស្ថានឥណទានជនបទ” ត្រូវបានរៀបចំឡើងនៅថ្ងៃទី០៤ ខែមីនា ឆ្នាំ២០២៦ នៅការិយាល័យ ក្រុមហ៊ុន ក្រេឌីត ប្យូរ៉ូខេមបូឌា (CBC)។

កម្មវិធីបណ្តុះបណ្តាលពង្រឹងសមត្ថភាពនេះត្រូវបានរៀបចំដោយក្រុមហ៊ុន ហ្វីនត្រាស់ ថេកណឡជី ឯ.ក ដោយមានការគាំទ្រពី ក្រុមហ៊ុន ក្រេឌីត ប្យូរ៉ូខេមបូឌា និងការចូលរួមពីសមាជិក ក្លឹបគ្រឹះស្ថានឥណទានជនបទ (RCIs Club) ចំនួន ២០គ្រឹះស្ថាន ដែលផ្តោតសំខាន់ទៅលើទៅលើប្រធានបទចម្បង ចំនួន ២ គឺ៖ “ការធ្វើផែនការអាជីវកម្ម” ចំនួន ២វគ្គ និង “ការធ្វើគំរូហិរញ្ញវត្ថុសម្រាប់អាជីវកម្ម” ចំនួន ៤វគ្គ។

Kick-off Meeting of the “Capacity Building Project for Rural Credit Institutions” was held on March 4, 2026, at the office of Credit Bureau Cambodia (CBC).

This capacity-building training program is organized by FinzTrust Technology Co., Ltd., with the support of Credit Bureau Cambodia (CBC) and the participation of 20 member institutions from the Rural Credit Institutions Club (RCIs Club).

The program focuses on two main topics: "Preparing Business Plan", which will be conducted in two sessions, and "Financial Modeling for Business", which will be conducted in four sessions, aiming to strengthen the institutional capacity of Rural Credit Institutions.

12/02/2026

នៅថ្ងៃទី ១២ ខែកុម្ភៈ ឆ្នាំ២០២៦ សមាជិកក្លឹបគ្រឹះស្ថានឥណទានជនបទប្រមាណ ២០រូប បានអញ្ជើញចូលរួមក្នុងសិក្ខាសាលាពិគ្រោះយោបល់លើ "សៀវភៅណែនាំផលិតផលឥណទានបៃតងសម្រាប់វិស័យមីក្រូហិរញ្ញវត្ថុ" (Green Loan Playbook for MFI Sector)។

គំនិតផ្តួចផ្តើមនេះគឺជាផ្នែកមួយដ៏សំខាន់នៃដំណាក់កាលទី២ នៃគម្រោង "ភាពធន់នឹងការប្រែប្រួលអាកាសធាតុសម្រាប់ទាំងអស់គ្នា (CREFA)" ដែលដឹកនាំដោយសមាគមមីក្រូហិរញ្ញវត្ថុកម្ពុជា (CMA) សហការជាមួយអង្គការ Oxfam និងទទួលបានការគាំទ្រពីស្ថានទូតអៀរឡង់។

គោលបំណងនៃសិក្ខាសាលានេះ គឺដើម្បីបំលែងលទ្ធផលនៃការសិក្សាស្រាវជ្រាវឱ្យក្លាយជាសៀវភៅណែនាំដែលអាចអនុវត្តបានជាក់ស្តែង មានភាពងាយស្រួលប្រើប្រាស់ និងអាចជួយដល់គ្រឹះស្ថានមីក្រូហិរញ្ញវត្ថុក្នុងការរចនា អនុវត្ត និងតាមដានផលិតផលឥណទានបៃតងឱ្យមានប្រសិទ្ធភាព។

តាមរយៈការផ្តល់យោបល់ និងបទពិសោធន៍អនុវត្តជាក់ស្តែងពីសមាជិក សៀវភៅណែនាំនេះនឹងក្លាយជាឧបករណ៍ដ៏មានតម្លៃ ដែលឆ្លើយតបនឹងតម្រូវការ និងបរិបទពិតប្រាកដនៃវិស័យហិរញ្ញវត្ថុនៅកម្ពុជា។

10/02/2026

សមាគមមីក្រូហិរញ្ញវត្ថុកម្ពុជា សូមអបអរសាទរដល់ប្រធាននិងអនុប្រធានថ្មីនៃក្លឹបគ្រឹះស្ថានឥណទានជនបទដែលត្រូវបានបោះឆ្នោតជ្រើសដើម្បីដឹកនាំក្លឹបសម្រាប់អាណត្តិឆ្នាំ ២០២៦-២០២៧ 🎉

បន្ទាប់ពីមានការចូលរួមបោះឆ្នោតយ៉ាងសកម្មនិងប្រកបដោយតម្លាភាពពីគ្រឹះស្ថានឥណទានជនបទចំនួន ២២ គ្រឹះស្ថាន លោក ឌី ស៊ីថា ប្រធាននាយកប្រតិបត្តិ នៃគ្រឹះស្ថាន ដៃគូ ហ្វាយនែន ភីអិលស៊ី ត្រូវបានជាប់ឆ្នោតជាប្រធានក្លឹបគ្រឹះស្ថានឥណទានជនបទ និង លោក វ៉ែន សាមាន សមាជិកក្រុមប្រឹក្សាភិបាល គ្រឹះស្ថាន ម៉ាមេឌី ហ្វាយនែន ម.ក ត្រូវបានជាប់ឆ្នោតជាអនុប្រធានក្លឹប។ ដោយឡែក លោក កុក ថា នាយកប្រតិបត្តិ នៃគ្រឹះស្ថាន អេហ្វអេចអេហ្វ ឃែភីថល ម.ក បានជាប់ឆ្នោតជាលេខាធិការក្លឹបគ្រឹះស្ថានឥណទានជនបទ។

គួររម្លឹកថា ការបោះឆ្នោតជ្រើសរើសប្រធាននិងអនុប្រធានថ្មីសម្រាប់ក្លឹបគ្រឹះស្ថានឥណទានជនបទរៀបចំឡើងនៅរៀងរាល់ ២ ឆ្នាំម្តងដើម្បីរួមចំណែកក្នុងការគ្រប់គ្រងកិច្ចការរបស់ក្លឹបឱ្យមានប្រសិទ្ធភាពជាពិសេសអភិវឌ្ឍវិស័យឥណទានជនបទនៅកម្ពុជា។ ជាមួយគ្នានេះ ការបោះឆ្នោតជ្រើសរើសប្រធាននិងអនុប្រធានថ្មីសម្រាប់ក្លឹបគ្រឹះស្ថានឥណទានជនបទ ត្រូវបានរៀបចំឡើងក្នុងកិច្ចប្រជុំក្លឹបគ្រឹះស្ថានឥណទានជនបទនៅព្រឹកថ្ងៃទី៦ ខែកុម្ភៈ ឆ្នាំ២០២៦ រៀបចំឡើងដោយសមាគមមីក្រូហិរញ្ញវត្ថុកម្ពុជា និងមានការចូលរួមពីតំណាងគ្រឹះស្ថានឥណទានជនបទប្រមាណ ៣០ នាក់ផងដែរ។

សមាគមីក្រូហិរញ្ញវត្ថុកម្ពុជា សង្ឃឹមយ៉ាងមុតមាំថាថ្នាក់ដឹកនាំថ្មីទាំង ៣ រូប របស់ក្លឹបគ្រឹះស្ថានឥណទានជនបនឹងចូលរួមចំណែកយ៉ាងសកម្មក្នុងកិច្ចការដឹកនាំនិងអភិវឌ្ឍក្លឹបក៏ដូចជាវិស័យឥណទានជបននៅកម្ពុជាឱ្យមានភាពរីកចម្រើននិងចីរភាព៕