Spesía

02/09/2026

Hugtak vikunnar er Kaupmáttur 💰
Það skiptir ekki bara máli hve mikið þú átt, heldur líka hversu mikils virði peningarnir þínir eru yfir tíma.

26/08/2026

Hugtak vikunnar er Skammtímafjárfestir ⏱️
Það er auðvelt að vera vitur eftir á, en vandasamt að vita hvað gerist á morgun.

19/08/2026

Hugtak vikunnar er Langtímafjárfestir⏳
Langtímafjárfestirinn trúir því að góðir hlutir gerast hægt.

13/08/2026

Hugtak vikunnar er Vörsluaðili 🔐
Öll viljum við nú að eignir okkar séu öruggar.

12/08/2026

Gleðilegan sólmyrkva öll til sjávar og sveita 🌦

08/08/2026

Gaman að fá að vekja athygli á þessari fréttaskýringu í Morgunblaðinu sem lesa má útdrátt úr hér. Umfjöllunarefnið eru gjöld fyrir séreignasparnað. Í greininni segir meðal annars: "Ekki er að því hlaupið að bera saman verðskrár fjármálafyrirtækja og getur t.d. kostnaður viðskiptavinar verið mishár eftir því hvort hann velur sparnaðarleið sem fjárfestir í hlutabréfum eða í innistæðum einvörðungu." Hér eru tveir hlutir sem vert er að staldra við. Í fyrsta lagi er hér bent á hversu snúið er að fikra sig áfram í verðskrám bankanna. Verðskrár banka þegar kemur að gjöldum eru ekki sérlega gegnsæjar og fjölmargir viðskiptavinir vita ekkert hvað þeir eru að borga. Síðari hluti setningarinnar er svo eiginlega enn áhugaverðari því úr henni má lesa að finna megi dæmi um að fólk geymi séreignasparnað sinn að miklu leyti á hefðbundnum bankareikningum. Þá getur maður spurt sig hvers vegna í ósköpunum fólk ætti að greiða einhver einustu gjöld fyrir það, enda lítið mál að ávaxta fé sitt þannig án sérhæfðar þjónustu. Það er ljóst að þessi málaflokkur virðist vera bátur sem er vel þess virði að rugga duglega. Spesíu mun ekki leiðast það.

Töluverður munur er á þeim skerf sem bankar og lífeyrissjóðir taka til sín fyrir vörslu séreignarlífeyris viðskiptavina sinna. Lausleg könnun Morgunblaðsins bendir til þess að hjá bönkunum sé umsjónarkostnaðurinn um tvöfalt hærri en hjá…

04/08/2026

Við fengum heimsókn frá góðum mönnum á dögunum. Á myndinni eru Halldór Friðrik Þorsteinsson, Kjartan Ólafsson og Freyr Hermannsson.

14/07/2026

Kæra Spesía áhugafólk,

Við óskum ykkur gleðilegs sumars og vonum innilega að þið séuð stödd í hitabylgjunni fyrir austan eða alls staðar annars staðar en í súldinni sem er að leika okkur Reykvíkinga grátt. Hér á skrifstofu Spesíu er þó lítið um sumarfrí þessa stundina því eins og þið vitið datt leyfi frá fjármálaeftirlitinu í hús undir lok síðasta mánaðar og nú er róið að því öllum árum að koma Spesíu í loftið.

Á fyrri myndinni má sjá tvo hugbúnaðarsérfræðinga við störf sín, þá Loga Eyjólfsson og Peter Short (sem á líka einmitt afmæli í dag). Sumir myndu halda að myndin sé uppstillt. Undir venjulegum kringumstæðum grúfa þeir sig yfir tölvuskjái sína með heyrnartól og eru þá oft í sambandi við þriðja hugbúnaðarteymis meðliminn, Tinnu Karen Gunnarsdóttur sem er með aðsetur í Svíþjóð. Þessi mynd er þó ekki uppstillt, svona var aðkoman þar sem þeir ræddu saman um mikilvæga hluti sem tengjast bakendaforritun!

Seinni myndin er þó víst alveg örugglega uppstillt enda ætlað að ramma inn tímamótin sem fylgdu því þegar leyfið frá fjármálaeftirlitinu datt í hús. Leyfið er ekki aðeins hugmynd sem flýtur um í skýinu eins og flestir gjörningar samtímans, heldur alvöru bréf, leyfisbréf. Það bankaði upp á sendill frá Seðlabankanum líkt og árið væri 1960. Bergur Ebbi hljóp beina leið út í Jysk og keypti ramma á 890 kr. (við erum fjármálafyrirtæki sem sparar) og voilá. Innrammað leyfi, sem hér má sjá í höndum aðalstofnenda Spesíu Tómasar Gestssonar og Georgs Lúðvíkssonar. Stoltir menn.

Allt á fullu hjá Spesíu og kerfið verður brátt tilbúið í prufukeyrslu og þið sem eruð á biðlistanum verðið að sjálfsögðu þau fyrstu sem munu fá boð um það.

Kær kveðja af Grandanum

Show translation

29/06/2026

Við færum ykkur frábærar fréttir!

Eftir eins og hálfs árs umsóknarferli hefur Seðlabanki Íslands tilkynnt okkur að fyrirtækið hafi hlotið starfsleyfi frá Fjármálaeftirlitinu. Fréttirnar eru þegar opinberar:

https://sedlabanki.is/frettir-og-utgefid-efni/grein/spesia-eignastyring-hf-faer-starfsleyfi-sem-rekstraradili-serhaefdra-sjoda

Þetta þýðir að nú er okkur heimilt að fara í loftið!

Um er að ræða afrakstur gríðarlegrar vinnu sem mun margborga sig til framtíðar. Þegar hugmyndin að Spesíu var sett niður fyrir rúmum tveimur árum voru margir utanaðkomandi sem bentu á að auðveldast væri að einbeita sér að hugbúnaðarlausninni en láta aðra sjá um rekstur sjóðanna því það væri ekki fyrir hvern sem er að fá starfsleyfi Fjármálaeftirlitsins. Allt frá fyrstu stundu vissum við að það kæmi aldrei til greina. Að sjálfsögðu viljum við hafa okkar eigið starfsleyfi og fækka þannig milliliðum og lækka kostnað.

Spesía ætlar sér stóra hluti á íslenskum fjármálamarkaði og hluti þess felst í því að vera við fulla stjórn í öllum þáttum starfseminnar, þar á meðal rekstri sjóðanna og utanumhaldinu sem því fylgir. Spesía vill ekki bara vera vörumerki og hugbúnaður sem reiðir sig á önnur fjármálafyrirtæki. Spesía ætlar sér að byggja upp nýja hugsun frá grunni og þetta starfsleyfi er mikilvægur þáttur í því ferli.

Við erum mjög stolt af þessum árangri, enda er vinnan að baki starfsleyfi mikil og lærdómsrík. Það er gott að vita til þess að á Íslandi starfi virkt eftirlit með fjármálafyrirtækjum. Leyfið er háð ítarlegum lagaskilyrðum auk þess sem sýna þarf fram á trausta ferla, öryggisáætlanir, þekkingu og aðlögunarhæfni. Starfsleyfið er því langt frá því að vera formsatriði heldur grundvöllur þess trausts sem fjármálafyrirtæki þurfa að búa yfir til að ná árangri til framtíðar.

Það sem gerist næst er að sjóðir Spesíu munu nú taka til starfa og framundan er tími prófana og greininga. Það eru einhverjar vikur í að við förum að bjóða fólki aðgang að þjónustunni af biðlistanum, en við biðjum ykkur um að fylgjast vel með. Þjónustan mun svo verða rækilega kynnt fyrir almenningi að loknu sumrinu og við vonumst eftir hjálp frá ykkur til að láta orðið berast.

Við kunnum Fjármálaeftirlitinu bestu þakkir fyrir gott samstarf og hlökkum til áframhaldsins. Þá viljum við þakka ykkur kæra Spesíu áhugafólk fyrir sýnda biðlund. Það gleður okkur mjög að geta loksins flutt ykkur þessar ánægjulegu fregnir.

Kær kveðja af Grandanum
Spesíu-teymið

Hinn 25. júní 2026 veitti fjármálaeftirlit Seðlabanka Íslands Spesíu eignastýringu hf. starfsleyfi sem rekstraraðili sérhæfðra sjóða samkvæmt lögum nr. 45/2020, um rekstraraðila sérhæfðra sjóða.

15/06/2026

Hvað ef Egg Benedikt klikkar? 🍳

Þeir vita sem vita hversu mörg egg geta farið forgörðum áður en hið fullkomna hleypta egg tekst!

Eftir nokkrar misheppnaðar tilraunir er gott að eiga möguleikann á að enda með eggjahræru eða spæld egg í staðinn...

Fjárfestingar virka ekki ósvipað. Ef allt er undir einni uppskrift geta mistökin orðið dýrkeypt.

Þess vegna skiptir áhættudreifing máli ...en ekki síður að lágmarka kostnað svo ávöxtunin lendi í þínum höndum!