19/05/2026
لو إنت صاحب بيزنس قولنا عندك كم مشكلة في دول في تجارتك, في شركتك, في مصنعك.
دي مشاكل شائعة وممكن توقع أجمد بيزنس
1-عندك بزنس مش عارف له مكسب مع إنك بتبيع كويس؟
2-بتخرج من موسم مبيعات كتير بس مش باين عليك.
3-بتبيع كويس بس مش عارف بعت بكام في الموسم.
4-بتبيع عشوائي وأسعارك عشوائي وخصوماتك وعروضك بالبركة.
5-بتصرف كتير والسيولة بتتبخر ومش عارف ليه؟.
6-بتخلط مصروفات الشغل مع مصروفات البيت وفاكر إنك مسيطر.
7-بتشتغل شغلانة جانبية وبتحط في تجارتك وبرضه مفيش فايدة.
8-عندك مخزن واتنين وتلاتة ومش عارف لهم قيمة بالفلوس ويمكن ولا أعداد حتى.
9-مش عارف فلوس الناس اللي مشغلاها معاك تتسجل فين وتتحسب إزاي؟
10-بتكسل أو بتأجل أو ماتعرفش إزاي تسجل الأصول والمكن بتاع مصنعك.
11-موظف ابن عمك وابن خالتك وأخو مراتك مع إنهم غير أكفاء.
12-عندك محاسب بيقول على نفسه محاسب وهو مش محاسب / عامل أمين المخزن محاسب.
13-مش عارف تقرأ البزنس بتاعك ولا المحاسب عارف يوصلك المعلومة.
14-بتاخد من "درج" المحل عشان تدفع قسط العربية أو رحلة المصيف وفاكر إنك هترجعهم.
15-بتتعامل مع الموردين بـ "كلمة شرف" ومن غير مطابقة كشوف حساب دورية، وبتفاجأ بمبالغ غير اللي في خيالك.
16-عندك "هالك" في الإنتاج أو المخازن بتعوضه بزيادة السعر، والزبون بدأ يهرب منك.
17-بتحسب مكسبك على "الفرق بين البيع والشراء" وناسي إن فيه إيجار وكهرباء ومرتبات ومصروفات واقعة منك بياكلوا الأخضر واليابس.
18-بتشتري مكن ومعدات غالية عشان "المنظرة" وهي مركونة مابتجبش حقها.
19-بتقبض الموظفين "سلف" طول الشهر، ويوم 1 في الشهر مابتكونش عارف مين ليه ومين عليه.
20-العملاء "الآجل" واكلين ميزانيتك، وإنت بتستلف من طوب الأرض عشان تشتري بضاعة جديدة.
21-بتدفع غرامات تأخير وضرائب كان ممكن تتفاداها بس عشان "الورق مش متستف".
22-فاكر إن "حركة البنك" هي ميزانيتك، وناسي إن فيه شيكات طالعة لسه ما اتصرفتش هتعمل لك كارثة سيولة.
23-بتكافئ الموظف اللي "بيبيع كتير" حتى لو مبيعاته كلها "آجل" مش هيتحصل منها مليم يسعفك.
24-بتحط سعر لمنتجك بناءً على "سعر المنافس" وإنت تكاليفك وتصنيعك مختلفين تماماً عنه.
25-عندك عجز في الصندوق (الكاش) يومياً وبتقول "فدايا" بدل ما تعرف الخلل فين.
26-بتعمل "جرد" مرة واحدة في السنة، وبتكتشف إن فيه بضاعة اختفت في ظروف غامضة من شهور.
27-عامل "سيستم" حسابات بآلاف الجنيهات بس محدش بيدخل عليه بيانات صح، فبقى مجرد "ديكور".
28-مستخسر تجيب "خبير" ينظم لك حساباتك، وبتدفع أضعاف أجرته في "خسائر" إنت مش شايفها.
شوف عندك كم مشكلة واعمل شير عشان غيرك يحل مشاكله
