02/11/2024
أساسيات مهمة لازم تعرفها عن الـ Budgeting - الجزء السادس 📊💡
النهارده هنتكلم عن حاجة اسمها Budget Methodologies 💼
فيه طرق مختلفة للـ Budget ممكن نستخدمها على حسب الصناعة أو المجال اللي شغالين فيه.
خلينا نعرف بعض الأنواع :
1- Project Budget:
النوع ده بيتعمل لكل مشروع بشكل منفصل. يعني لو شركة شغالة في قطاع المقاولات، كل مشروع الشركة بتدخله بيتعمل ليه ميزانية خاصة. الميزانية دي بيبقى فيها كل الإيرادات والتكاليف الخاصة بالمشروع ده، وبنحسب في الآخر النتائج لكل مشروع لوحده. وفي الآخر بنجمع كل الميزانيات دي ونعمل حاجة اسمها consolidation علشان نشوف الصورة الكاملة للشركة كلها.
2- Activity-Based Budget :
دي معناها إننا بنوزّع الفلوس على حسب الأنشطة اللي بتجيب دخل أو بتضيف قيمة حقيقية للشغل. يعني بدل ما نصرف ميزانية كبيرة على كل حاجة في الشركة، نركز بس على الحاجات اللي بتأثر بشكل مباشر في الأرباح أو اللي لها علاقة بأهدافنا الأساسية.
مثال: لو عندك مصنع، هتركّز ميزانيتك أكتر على النشاطات اللي بتزيد الإنتاج أو بتحسّن الجودة، زي شراء مواد خام، أو صيانة الماكينات، أو تدريب الموظفين اللي شغالين في الإنتاج.
الفكرة إننا نبص للأنشطة ونحدّد إيه اللي فعلاً يستاهل نصرف عليه عشان نحسّن النتائج، وبكده نصرف بطريقة أذكى ونستفيد من الميزانية بشكل أفضل.
3 - Zero-Based Budgeting :
النوع ده من ال Budget معناها إنك كل سنة تبدأ تحط ميزانيتك من الأول، مش بتعتمد على ميزانية السنة اللي فاتت خالص. يعني بدل ما تزود شوية على المصاريف القديمة، تراجع كل مصروف وتقرر إذا كان ضروري ولا لأ.
الفكرة إنك تبرر كل بند في الميزانية، سواء كبير أو صغير، وتشرح ليه هو مهم وليه محتاجين نصرف عليه. كأنك بتبدأ من الصفر وبتسأل نفسك: "هل المصروف ده فعلاً لازم السنة دي؟ وهل بيساهم في تحقيق أهدافنا؟"
الميزة في الطريقة دي إنها بتخليك تتخلص من المصاريف الزيادة وتوفر في الفلوس، لكن طبعًا محتاجة وقت ومجهود عشان تراجع كل حاجة من البداية.
4 - Continuous ( Rolling ) Budgeting :
الميزانية المتجددة معناها إنك بتحدّث ميزانيتك بشكل دوري، يعني مش بتحط ميزانية لسنة كاملة وتقفل على كده. بدل كده، كل فترة (زي كل 3 شهور مثلاً) بتراجع الأرقام وتضيف فترة جديدة قدام، بحيث الميزانية دايمًا تبقى متجددة وتتحرك معاك.
يعني لو عندك ميزانية من يناير لديسمبر، بعد ما يخلص أول ربع (3 شهور)، هتضيف ميزانية لربع جديد (من يناير لمارس للسنة اللي بعدها). وده بيخليك دايمًا عندك رؤية واضحة للسنة قدامك وتقدر تعدّل الأرقام حسب التغييرات اللي بتحصل.
الميزة في الطريقة دي إنها بتخليك جاهز للتغييرات، سواء زادت المصاريف أو قلّت الإيرادات، وتقدر تظبط الخطة بسرعة عشان تواكب الوضع الجديد.ختيار نوع الميزانية المناسب بيساعدك تسيطر على المصاريف وتحقق أهدافك المالية بذكاء. 👌
لو البوست عجبك وحابب تعرف أكتر عن إدارة ال Budget، سيب لنا لايك ومتنساش تتابعنا! 🚀
هسيبلكم في الـ comments links لباقي الأجزاء اللي فاتت، عشان لو فاتك أي حاجة تقدر ترجع تشوفها بسهولة! 😉📲
