10/15/2022
မယ်ရိုးရဲ့ TPS ပိုစ့် ဖတ်အပြီးမှာ USCIS မှာ အလုပ်လျှောက်တဲ့ အဆင့်တွေကို မေးကြလို့ အသေးစိတ်လေး ဒီပိုစ့်မှာ ရေးထားပေးပါတယ်။
EAD လို့ခေါ်တဲ့ အမေရိကန်မှာ တရားဝင် အလုပ်လုပ်ခွင့်လျှောက်လွှာ တင်နည်း
---------------------------------------
အမေရိကန်ကို ရောက်နေကြတဲ့ F1, J1 Visa နဲ့ ကျောင်းသားတွေ၊ asylee, refugee, or U nonimmigrant စတဲ့ GreenCard လက်ထဲမရောက်သေးတဲ့သူတိုင်း အလုပ်လုပ်မယ်ဆိုရင် EAD ဆိုတဲ့ အလုပ်လုပ်ခွင့်ကို လျှောက်ထားဖို့ လိုအပ်ပါတယ်။
EAD ရဲ့ အရှည်က Employment Authorization Document လို့ခေါ်ပါတယ်။
မြန်မာလိုတော့ အလုပ်လုပ်ခွင့် ပါမစ် ကတ်ပြားလို့လဲ ခေါ်ကြတဲ့သူတွေရှိပါတယ်။
EAD ကို နိုင်ငံသား၊ အမြဲတမ်းနေထိုင်ခွင့် (Green Card) ရရှိထားသူတွေ နဲ့ H-1B, L-1B, O, or P visa သမားတွေ လျှောက်စရာမလိုပေမယ့်
Greencard လက်ထဲ မရောက်သေးဘဲ ထိုင်နေရသူတွေ၊
ယာယီခိုလှုံခွင့် TPS နဲ့ နေထိုင်သူတွေ၊
ကျောင်းက ခွင့်ပြုလို့ အလုပ်လုပ်လိုသူတွေ နဲ့
Asylum လျှောက်ထားသူတွေကတော့ အမေရိကန်ရဲ့ ကုန်ကျစရိတ်ကို တောင့်ခံနိုင်ဖို့ အလုပ်လုပ်ခွင့် လျှောက်ရလေ့ရှိပါတယ်။
အလုပ်လုပ်ခွင့်လျှောက်ထားတဲ့အခါမှာလဲ ဒီနေ့ဖောင်တင်ပြီး နောက် အပတ်ထဲ တန်းကျတာမျိုးမဟုတ်တဲ့အတွက် ပိုက်ဆံတွေ အိမ်က လိုသလောက်ပို့ရင်တောင် လိုရမယ်ရတော့ လျှောက်ထားသင့်ပါတယ်ဗျ။
EAD ကဒ် မှာ ဘာကြောင့် အလုပ်လုပ်ခွင့်ရတယ်ဆိုတဲ့ Category တွေလဲ ရှိပါသေးတယ်။ မြန်မာကလူတွေ အသုံးများတဲ့ EAD Category တွေက
- Refugee နဲ့ရောက်ပြီး အလုပ်လုပ်ဖို့လျှောက်ရင် (a)(3)
- Temporary Protected Status (TPS) နဲ့ လျှောက်ရင် (c)(19)
- မြန်မာကကျောင်းသားတွေဆို ဘဏ်ကနေ ငွေလွှဲရခက်လို့ ၊ ငွေအခက်အခဲကြုံလို့ စတဲ့အကြောင်းပြချက်နဲ့ ကျောင်းက DSO ကိုပြောပြီး လျှောက်ရင် -(c)(3)(iii)
- STEM Students လို့ခေါ်တဲ့ သိပ္ပံမေဂျာရပ်တွေနဲ့ ကျောင်းပြီးသူတွေ (Students With a Degree in Science, Technology, Engineering, or Mathematics) နဲ့ 24 လ Extension EAD က (c)(3)(C).
- Asylee (Granted Asylum) ဆို (a)(5)
- Asylum လျှောက်ထားဆဲ စောင့်ဆိုင်းရက် ရက်ပေါင်း ၁၈၀ စောင့်ပြီးရင် တင်မယ့် EAD ဆို Pending Applicant for Asylum and Withholding of Deportation and Removal (c)(8)
- မင်္ဂလာဆောင်ထားလို့ ဘာညာကနေ GreenCard မရခင် လျှောက်တဲ့ EAD က (c)(9)
စတဲ့ Category တွေအပြင် တခြား Category လဲ မနည်းမနော ရှိပါသေးတယ်။ အစအဆုံး အတိအကျ ဖတ်မယ်ဆို Instructions for Form I-765 (PDF, 1.58 MB) https://www.uscis.gov/sites/default/files/document/forms/i-765instr.pdf ကိုသာ Download လုပ်ပြီးဖတ်ပါ။
-
သက်ဆိုင်ရာဗီဇာအလိုက် အလုပ်လုပ်ခွင့်ရှိပြီဆိုတာနဲ့ Form I-765 ဆိုတဲ့ Employment Authorization Document ကိုစပြီးတင်လို့ရပါတယ်။
I-765 ဖြည့်နည်း
----------------
Form ကို ကနေ Download လုပ်ပါ။
လက်နဲ့ပဲ ဖြည့်ဖြည့် ၊ Compute ပဲရိုက်ရိုက် မှင် အမဲရောင်ပဲသုံးရပါမယ်။
စာရှည်လို့ ထပ်ဖြည့်ချင်ရင် Part 6. Additional Information ဆိုတဲ့ စာမျက်နှာကို များများကူးပြီး ရေးပါ။ ကပ်သတ်ပြီး ပြွတ်သိပ်နေအောင် ဖတ်မရအောင် မဖြည့်ပါနဲ့။
ကိုယ်နဲ့ မဆိုင်တဲ့အကြောင်းအရာဆို N/A လို့ ဖြည့်ပါ။ အလွတ်ကြီးမထားခဲ့ပါနဲ့။ နေရာကျန်တာလား။ ( နေရာလွတ်ထားခဲ့ရင် ချန်တာလား မသဲကွဲတာမို့ ဖောင်က ကိုယ့်ဆီကို ပြန်ပို့လိုက်၊ ကိုယ်က USCIS ကို ပို့လိုက်နဲ့ သံသရာလည်နေပါလိမ့်မယ်။ )
I-765 မှာ ဘာတွေ ဖြည့်ရသလဲ။
----------------
Part 1. Reason for Applying (လျှောက်ထားတဲ့အကြောင်း)
Item Number 1.a. Inital permission (အခုမှစလျှောက်ခြင်း)
Item Number 1.b. Replacement of a lost, stolen, or damaged EAD, or correction of your EAD not due to USCIS error. (ကဒ်ပျောက်၊ ပျက်၊ ခိုးခံရလို့ လျှောက်တာ)
Item Number 1.c. Renewal of your permission to accept employment. If you select Item Number 1.c., attach a copy of your previous EAD. (သက်တမ်းတိုးလျှောက်တာ ၊ ကဒ်အဟောင်း ထည့်ပေးရန်လိုပါသည်)
Part 2. Information About You (ကိုယ့်အကြောင်း)
Item Numbers 1.a. - 1.c. Your Full Legal Name (တရားဝင် မှတ်ပုံတင် ? Passport က နာမည်ရင်း)
Item Numbers 2.a. - 4.c. တခြားနာမည်တွေ ရှိရင် (အိမ်နာမည်၊ ချစ်စနိုးနာမည်၊ မွေးစာရင်းနာမည်)
မယ်ရိုးဆို နာမည် ၄ ခုလုံး ဖြည့်ရတယ်။ 🤣
Item Numbers 5.a. - 5.f. Your U.S. Mailing Address (ကဒ်ပြားကိုလက်ခံမယ့် အမြဲတမ်းနေလိပ်စာ (ကိုယ်နေနေစရာမလိုပါ။ ကိုယ့်အစားလက်ခံမယ့်သူရှိတယ်ဆိုရပါတယ်။ အဓိကက အဲ့လိပ်စာကသူက အမြဲနေထိုင်သူ၊ လက်ခံမယ့်သူရှိရင်ကိုရပါတယ်။)
Item Numbers 6. - 7.e. U.S. Physical Address (ဒါကမှ လက်ရှိ နေနေတဲ့ နေရပ်လိပ်စာပါ၊ စာလက်ခံနဲ့လိပ်စာနဲ့ တူလဲရပါတယ်။ မတူလဲရပါတယ်။)
Item Number 8. Alien Registration Number (A-Number) (if any)
(A နံပါတ် ဆိုတဲ့ ယာယီနံပါတ်တစ်မျိုးပါ။ Refugee, Asylee, Asylum Pending တွေမှာ ရှိပါတယ်။ A နံပါတ်ရှိဖို့မလိုရင် N/A ပဲဖြည့်ပါ။
Item Number 8. Alien Registration Number (A-Number) (if any)
(USCIS Online Acc မရှိခဲ့ရင် မဖြည့်ပါနဲ့။ သူတို့ဘက်က အကောင့်ဖွင့်ဖို့ နဲ့ Access Code အတွက် သီးသန့်ပို့ပေးပါတယ်။)
Item Number 10. Gender (ကျား/မ)
Item Number 11. Marital Status. (အိမ်ထောင်ရှိမရှိ)
Item Numbers 12. အရင်က EAD လျှောက်ဖူးရင် Yes အရင်ကဒ်ပြားအဟောင်းတွေ တွဲပို့ဖို့လိုပါတယ်။)
Item Numbers 13.a. - 17.b. ကတော့ Social Security Number (SSN). တွဲလျှောက်မလျှောက်စတဲ့အချက်တွေပါ။
SSN မလျှောက်ဖူးရင် No
နံပါတ် မရှိရင် N/A
လျှောက်မယ်ဆိုရင် တစ်ခါတွဲတွဲလျှောက်မလား ဘာညာ စတာတွေ Yes ပဲ ဖြည့်ပါ။
14. 15 မှာ Yes လုပ်ခဲ့ရင်တော့ 16.a. - 17.b. က အဖေ၊ အမေနာမည်တွေပါ ဖြည့်ရပါမည်။ မလျှောက်ရင်တော N/A ပါ။
Item Number 18.a. - 18.b. Country or Countries of Citizenship or Nationality (နိုင်ငံသား အကြောင်း မေးတာပါ။)
Myanmar (Burma) လို့ဖြည့်ပါ။
Item Numbers 19.a. - 19.c. Place of Birth (မွေးတဲ့မြို့၊ရွာ၊ ဒေသ၊ နိုင်ငံ)
tem Number 20. Date of Birth (mm/dd/yyyy) မွေးနေ့ (လရက်ခုနှစ်)
Item Numbers 21.a. - 21.e. Form I-94 Arrival-Departure Record
(အမေရိကန်ကို ဝင်လာတဲ့ I-94 လို့ခေါ်တဲ့ မှတ်တမ်း၊ Passport and Travel Document Numbers စတာတွေ ဖြည့်ပါ။) မရှိရင် N/A
Item Number 22. Date of Your Last Arrival Into the United States, On or About. (အားတိုင်း ဝင်လိုက်ထွက်လိုက်လုပ်နေရင် နောက်ဆုံး ဝင်လာခဲ့တဲ့ Date ကိုဖြည့်ပါ။)
Item Number 23. Place of Your Last Arrival Into the United States. Provide the location where you last entered the United States. (ဘယ်မြို့၊ ဘယ်လေဆိပ်က ဝင်ခဲ့လဲ)
Item Number 24. Immigration Status at Your Last Arrival.
(ဘာဗီဇာနဲ့ ဝင်ခဲ့သလဲ။ )
Item Number 25. Your Current Immigration Status or Category. Provide your current immigration status. (လက်ရှိ Immigration Status ကဘာလဲ) For example, F-1, type or print “F-1 student
Item Number 26. Student and Exchange Visitor Information System (SEVIS) Number (if any). ကျောင်းသားတွေမှာရှိတဲ့ SEVIS No. ပါ။ တခြားသူတွေဆို N/A
Item Number 27. Eligibility Category. ဒါက အပေါ်မှာ ပြောခဲ့တဲ့ Category အတွက်ပါ။ Instructions for Form I-765 (PDF, 1.58 MB) https://www.uscis.gov/sites/default/files/document/forms/i-765instr.pdf ကိုသာ Download လုပ်ပြီးဖတ်ပြီးမှ ဖြည့်ပါ။
-
ကိုယ်လျှောက်တဲ့ Category ပေါ်မူတည်ပြီး 28.a. - 28.c. ကို လိုသလိုဖြည့်ပါ။ မဆိုင်ရင် N/A
Item Number 29 အတွက်က category (c)(26) ပဲဆိုင်ပါတယ်။ ကျန်သူ N/A
Item Numbers 30.a. - 30.g. အတွက်က Category (c)(8) အတွက်သီးသန့်ပါ။ မဆိုင်ရင် N/A ပါ။
Item Numbers 31.a. - 31.b. က Category (c)(35) and (c)(36)
ကိုယ်နဲ့သက်ဆိုင်ရာ သီးသန့် ဖြည့်ရတာမို့ မဆိုင်တာအားလုံး N/A ရေးခဲ့ပါ။ ကွက်လပ်မထားခဲ့ပါနဲ့။ သေချာသိဖို့အတွက် Item Number 27 မှာပေးထားတဲ့ I - 765 Instructions PDF ကို သေချာဖတ်ပါ။
Part 3. Applicant's Statement, Contact
Information, Declaration, Certification, and
Signature Applicant's Statement
Item Numbers 1.a. - ကိုယ်တိုင်ဖတ်ပြီး ကိုယ်တိုင်ဖြည့်ရင်
1.b. - ဘာသာပြန်ပေးတဲ့သူရှိရင်
2. ဒီဖောင်ကို ရှေ့နေစတဲ့ သူများကတင်ပေးရင်
3. - 7b Applicant's Contact Information နဲ့ ဒီဖောင်ကို တင်တဲ့ သူအကြောင်းနဲ့ ခံဝန်လက်မှတ်တွေပါ။
Part 4. Interpreter's Contact Information,
Certification, and Signature
ဘာသာပြန်ပေးတဲ့သူရှိခဲ့ရင်ဖြည့်ရမှာပါ။ မရှိရင် စာကြောင်းတစ်ခုချင်းစီမှာ N/A ထည့်ပါ။
Part 5. Contact Information, Declaration, and
Signature of the Person Preparing this
Application, If Other Than the Applicant
ဖောင်ကို ကာယကံရှင်မဟုတ်ဘဲ သူများပြင်ဆင်ပေးရင် ဖြည့်ရမှာပါ။ မရှိရင် စာကြောင်းတစ်ခုချင်းစီမှာ N/A ထည့်ပါ။
ပြင်ဆင်ပေးသူက ရှေ့နေမဟုတ်ရင် 7.a.
ရှေ့နေဘာညာဆို 7.b.
Part 6. Additional Information
ဒါက အပေါ်က အချက်တွေထဲမှာ စာရှည်လို့ မလောက်လို့ ရေးတဲ့သူတွေဖြည့်ဖို့ပါ။ ဘယ်အပိုဒ်၊ နံပါတ် Part ဘယ်လောက် အတိအကျ ဖြည့်ပါ။ မရှိရင် စာကြောင်းတစ်ခုချင်းစီမှာ N/A ထည့်ပါ။
သတိပြုရမှာက
လက်မှတ်ထိုးဖို့၊ ရက်စွဲထည့်ဖို့ လုံး၀ မမေ့ပါနဲ့။
-
ဘာတွေ တွဲတင်ရမလဲ။
- Form I-94, your passport or other travel documents စာရွက်ထုတ်ပြီးတွဲတင်ပါ။
- အရင်က EAD ရှိခဲ့ရင် ကဒ်အဟောင်းတွေ တွဲပါ။
- Two identical passport-style photographs (ကိုယ့်ဓာတ်ပုံ ၂ ပုံ တွဲပါ။)
Form G-28 (ရှေ့နေပါခဲ့ရင် G-28)
- နောက်ပြီး Form တင်ခ $410 + Biometric ဖိုး $85 (တစ်ချို့ Category တွေက ဘာကြေးမှ မပေးရပါ။ တစ်ချို့ကတော့ Fee Waiver တင်လို့ရတယ်။ တစ်ချို့ကတော့ မဖြစ်မနေ အပြည့်ပေးရပါတယ်။ Instruction မှာဖတ်ပါ။)
ပိုက်ဆံကို ပေးဖို့က money order, personal check, or cashier’s check.
တကယ်လို့ USCIS lockbox က တင်ရင် Form G-1450, Authorization for Credit Card Transactions. ဖြည့်ပြီး Credit Card နဲ့ပေးလို့ရပါတယ်။
I 765 တင်ပြီးနောက်
----------------
USCIS ကနေ လက်ခံရရှိကြောင်း Notice စာ ပို့ပါမယ်။
USCIS အကောင့်မရှိသေးရင် အကောင့်ဖွင့်ဖို့ စာနဲ့ Access Code ပို့ပါမယ်။
USCIS Online အကောင့်ဖွင့်ပါ။ ဖွင့်ပြီးရင်တော့ ကိုယ့် Application အခြေအနေကို အမြဲစောင့်ကြည့်လို့ရပါပြီ။
ကဒ်ကို အတည်ပြုပြီးရင်တော့
- ကဒ်ထုတ်နေပါပြီဆိုတဲ့ စာပြောင်းပါမယ်။
- ကဒ်ကို ထုတ်ပြီးပါပြီ။ ဆိုတဲ့ စာပြောင်းပါမယ်။ ( ၁ ရက်မှ တစ်ပတ်အတွင်း)
- ကဒ် ကို The United States Postal Service (USPS) က လာယူသွားပါပြီဆိုတဲ့ စာပြောင်းပါမယ်။
- တချို့ကတော့ စာတိုက်က ပို့လိုက်ပါပြီဆိုတာ မပြောင်းဘဲ အိမ်ကို ကဒ်ရောက်လာသူတွေလဲရှိပါတယ်။
ပုံထဲမှာ မယ်ရိုးရဲ့ USCIS Account Status Screenshot လေး တွဲတင်ပေးထားပါတယ်။ Reference အတွက် ဘယ်နှစ်ရက်ကြာသလဲသိရဖို့ပါ။
ဘယ်လိပ်စာတွေလျှောက်ရမလဲ။
Category ပေါ်မူတည်ပြီး ကိုယ်ပို့ရမယ့်လိပ်စာ ကွဲတာမို့ အောက်က Link မှာ အသေးစိတ်ဖတ်ပါ။ တစ်ချို့ Category တွေဆို ပြည်နယ်ပေါ်မူတည်ပြီး ပို့ရမယ့် လိပ်စာတွေ ထပ်မံ ကွဲပြားနိုင်ပါသေးတယ်။ ဒါကြောင့် စာလေး သေချာဖတ်ပါ။
https://www.uscis.gov/i-765-addresses
EAD ရပြီး ကုန်ကျစရိတ်ကြီးတဲ့ နိုင်ငံမှာ ရှင်သန်နိုင်ကြပါစေ။ လှူနိုင် ကူနိုင်ကြပါစေ။ 🙏🙏🙏
မယ်ရိုး
Oct 15 2022 (3:36 AM)
ပထမ တင်ထားတဲ့ TPS တင်တဲ့အကြောင်း Link
https://www.facebook.com/389035628332978/photos/a.389036598332881/1217618448808021
