19/03/2026
Aww... နှစ်ယောက်ထဲ သားလေးနဲ့ အေးအေးဆေးဆေး နေခဲ့ရတဲ့ ဘဝလေးထဲကို "စေတနာ" ဆိုတဲ့ ခေါင်းစဉ်နဲ့ ယောက္ခမက ဝင်လာခဲ့တာ။
တကယ်တော့ အဲဒီစေတနာက နေ့စဉ်နေ့တိုင်း ကျွန်မရဲ့ စိတ်ကို တဖြည်းဖြည်း တိုက်စားမယ့် အဆိပ်အတောက်တွေ ဖြစ်လာလိမ့်မယ်လို့ ဘယ်တုန်းကမှ မတွေးခဲ့မိဘူး။
အိမ်မှာ ယောင်္ကျားရှိရင်တော့ သားလေးကို ပေးဆပ်သူကြီးပေါ့။ ယောင်္ကျားအလုပ်သွားတာနဲ့ တစ်မျိုးမဟုတ် တစ်မျိုး ကျွန်မကို အပြစ်တင်ဖို့ချည်းပဲ ချောင်းနေတတ်တာ။
"နှစ်ယောက်လုံး အတူတူပဲ" ဆိုပြီး စကားစလာတော့၊ ယောင်္ကျားလာမှပြောဖို့ ကျွန်မက လျှော့ပြီး ပြောလိုက်ပေမယ့်... တကယ်တမ်းမှာ သူက မျက်နှာလွှဲပြီး "ငါ့သားလေးက အလုပ်လုပ်နေရတာ စိတ်ညစ်လိမ့်မယ်၊ ငါ့သားလေးက ငွေရှာနေတာ တစက်မှ အပြစ်ပြောစရာမရှိဘူး" တဲ့လေ။
ဒီစကားကို ကြားလိုက်ရတဲ့အချိန်မှာ ရင်ထဲမှာ ဆို့တက်သွားတယ်။ ငွေရှာနေရရုံနဲ့ ယောင်္ကျားတစ်
ယောက်က ပြီးပြည့်စုံသွားရောလား?
အိမ်မှာ သားလေးကိုထိန်း၊ အိမ်အလုပ်လုပ်နေရတဲ့ ကျွန်မရဲ့ ပင်ပန်းမှုတွေ၊ စိတ်ဒဏ်ရာတွေကိုကျတော့ ဘာလို့ ထည့်မတွက်ပေးကြတာလဲ?
"အမေသမီးနဲ့ လိုက်နေပါ၊ ကျွန်မချက်ကျွေးမယ်" လို့ ပြောလိုက်တော့မှ... နှင်ချတယ်ဆိုတဲ့ ခေါင်းစဉ်နဲ့ ယောင်္ကျားကို ဖုန်းဆက်ပြီး ငိုပြ၊ ကျွန်မရဲ့ စေတနာကို စော်ကားခံရတယ်ဆိုပြီး ပြောနေတာတွေကို နားထောင်နေရတာ တကယ်ကို Toxic ဖြစ်လွန်းပါတယ်။
ကျွန်မ ယောက္ခမကို ဘုရား တရားသမားမို့၊ ရင့်ကျက်သူမို့ တအားအထင်ကြီးခဲ့တာပါ။ ဒါပေမယ့် လက်တွေ့ဘဝမှာကျတော့ တပ်တပ်စင်အောင် လွဲနေခဲ့တာပဲ။
သူ့သမီး အသက် ၃၀ ကျော်လို့ ခုထိမချက်တတ်သေးတာကိုကျတော့ မျက်ကွယ်ပြုပြီး၊ ကိုယ့်ယောင်္ကျားကို ချက်ကျွေးချင်တဲ့ ကျွန်မရဲ့ စေတနာကိုကျတော့ နှင်ချစရာမလိုဘူးလို့ ပြောတာက တရားမမျှတဘူး။
ဒါပေမယ့် ဒီအားလုံးထဲမှာ အဆိုးဆုံးနဲ့ အနာကျင်ရဆုံးကတော့ ယောင်္ကျားရဲ့ သဘောထားပဲ။ ကိုယ့်မိန်းမ ဘာဖြစ်နေလဲ၊ သူ့အမေက ဘာတွေပြောနေလဲဆိုတာကို "တစ်ချက်ကလေးတောင်" မေးဖော်မရတာ၊
သူ့အမေက ဖုန်းထဲမှာ ကျွန်မကို အပြစ်ပြောနေတာကို ဘာမှမပြောဘဲ ငြိမ်ပြီး နားထောင်နေရုံသက်သက်ပဲ လုပ်တာက တကယ်ပဲ စိတ်ပျက်စရာကောင်းပါတယ်။
ကိုယ့်ကို ကာကွယ်ပေးဖို့ မပြောနဲ့ဦး... စိတ်ပူပေးဖို့တောင် အစီအစဉ်မရှိတဲ့ ယောင်္ကျားမျိုးကို စိတ်ကုန်ရာကနေ 'ရွံ' သွားပြီဆိုတာက တကယ်တော့ အချစ်တွေ၊ မျှော်လင့်ချက်တွေ ကုန်ဆုံးသွားလို့ပဲ။
ခေတ်ပျိုမေရဲ့ အားပေးစကား
***************
ဒီ Toxic ဖြစ်တဲ့ ပတ်ဝန်းကျင်မှာ နေ့တိုင်း ရှင်သန်နေရတာ ဘယ်လောက် ပင်ပန်းမလဲဆိုတာ မှန်းဆလို့ ရပါတယ်။
အခုချက်ချင်း အဖြေထွက်ဖို့ ခက်ပေမယ့်၊ ညီမလေးရဲ့ စိတ်ဓာတ်မကျအောင်၊ ကိုယ့်တန်ဖိုးကိုယ် မမေ့အောင် ကြိုးစားပါနော်။
သားလေးအတွက်၊ ကိုယ့်ကိုယ်ကိုယ်အတွက် ပိုပြီး သန်မာအောင် ကြိုးစားရင်း၊ တစ်နေ့မှာ ဒီနာကျင်မှုတွေကနေ ရုန်းထွက်နိုင်မယ့် လမ်းစကို ရှာတွေ့ပါလိမ့်မယ်လို့ ယုံကြည်ပါတယ်။ အားတင်းထားပါ ညီမလေးရေ။
#ခေတ်ပျိုမေ #ယောက္ခမနှင့်ချွေးမ #အချစ်ရေး #စိတ်ပိုင်းဆိုင်ရာ #အားပေးစကား
