InsMind保險圖書館by Davy Tsang

01/09/2026

#條款分析
精神科治療雖則係政府規定既標準條款
但同其實條款睇，一般都會有「差別待遇」
例如以全額賠償既保單，精神科治療零零舍舍係會有限額（eg. 每年3萬)
咁係咪即係 「精神科治療相關費用」
只要精神科醫生費唔超過限額（例如每年3萬）
其餘房租、檢查費都可以「全數賠償」
⚠️原 來 唔 係⚠️

揭開醫務局既自願醫保保單範本，關於精神病治療既部分
原來有條極辣整細既「替代條款」(見附圖)
簡單講, 如果最初係因為精神健康問題而入院
保單原本享有既常規「全額賠償」項目，會即時廢除❗❗
該次住院既所有費用，會被強制打包，最多只會賠果3萬蚊限額
「取代條款」出現起政府既標準計劃入面

咁保險公司各自推出既靈活計劃呢？為此我搵左香港最常見既5份不同公司的保單條款
抱歉❌全部都係幾乎一模一樣既字眼，無得避
不過條款入面其實寫明咗一個「特殊情況」，係可以避開呢個死穴、啟動返全數理賠既：

(連結詳見留言)

#自願醫保 #精神科保障 #替代條款 #保單條款 #全數賠償陷阱 #醫療保險 #精神健康 #保單翻譯官

18/08/2026

📊【2025年最新理賠數字出爐】

🤔知唔知自己果個年齡層，理賠得最多既係乜野情況?

保險公司剛出左2025年既理賠統計，Davy花左啲時間逐項拆解——醫療開支、醫療通脹、危疾賠償趨勢，逐項睇過同簡化。

有啲數字同一般人諗既唔同，譬如某啲聽落唔嚴重既病，單次賠償都可以去到六位數 📋

20頁濃縮做2頁，3分鐘就睇清楚了⏱️
WhatsApp我留言⏩2025⏪即時發放你 👇

#香港保險 #保險理賠 #醫療保障 #危疾保障 #醫療通脹 #保險知識 #保險顧問 #香港醫療 #理賠數據

12/08/2026

#索償事故
旅程延誤但係唔齊proof，claim唔claim到? 分享一宗旅保投訴，由「唔賠」變成「通融賠償」既個案：

上年冬天，L生同家人去左北海道
打算去俱知安町及羊蹄山既期間
遇到暴風雪
唯一通往目的地既JR，停運左3日
唯有等JR恢復服務，先可以繼續行程

旅程完結，L生向保險公司申請「旅程延誤」既索償
以JR 5day Pass收據
同埋本來預訂起目的地既酒店作為證明
「旅程延誤」好多人都claim過喇
因為惡劣天氣自然災難etcetc使原來航班delay每6個鐘，就會賠現金
不過航班冇得預訂一定要walk in例如JR呢?

唔好意思，係冇既。

但又咁講，L生並唔係唔想預訂
咁JR又真係冇得預訂丫嘛
而且佢又真係一早買左5day pass
又預訂埋目的地既酒店
可見佢並唔係為左呃保險而臨時改行程
投訴委員會建議保險公司以通融方式
按旅程延誤保障既最高限額處理賠償
該保險公司亦接納建議亦即係每名受保人$1500
大家皆大歡喜一天光哂😇😇
保險條文雖然多，但現實中既意外更加多
未必能夠按條文解釋得哂
保險合約，始終都係為人服務
只要合情合理，保險公司都會願意人性化地處理賠案
呢個亦係香港普通法傳統既優勢

#旅遊保險 #普通法 #旅程延誤 #保險索償 #人性理賠 #北海道 #保險冷知識 #香港保險

08/08/2026

為自己戰鬥
永遠都要有Plan B

*註: 珍惜生命！自殺式決鬥並不是任何保險的受保項目🫶😇

#危疾 #醫保 #未雨綢繆 #理財 #我養你啊 #破王壞之王 #星爺金句 # #危疾 #醫保 #未雨綢繆 #理財 #我養你啊 #破王壞之王 #星爺金句 #保險圖書館保險圖書館

05/08/2026

身為新界人，知道黎緊有洪水橋、屯門南等等等等既新開發住宅用地
而興建緊既醫院 = 0
不敢想像，到時會變成點

餵個 醫管局2024-2025 年報 pdf 俾 AI 做撮要

香港最繁忙三位，屯門醫院第二位，其實一向多人，係入面做就知，屯門自己50幾萬人，仲有元朗，大陸落返黎醫病既香港人（所以急症室數目多過伊院，大陸落返黎入急症係好多人），其實超負荷，唔知特首5年計劃有無考慮屯門問題，今日見議員講，好似有同特首5年計劃預算開會，計對屯門問題

下面 gemini 年報撮要

02/08/2026

理財既本質，其實咪即係時間管理
錢 → 可換資源（消費）
資源 → 可換錢（套現）
💰 儲錢 = 延後消費
把今日既資源，擺起未來先用
💸 融資 = 提前消費
用而家既資源作抵押，向未來借錢
換成今日既資金

以前冇銀行、冇保險公司，時間之間係Disconnect既：
例如你每年俾我 $2 萬，10 年後突發要我即時畀番 $100 萬。
我絕對唔會應承你——唔係因為唔想、同你唔熟
而係我根本冇100萬
而家金融系統既出現，就係「讓時間互通」：
我地可以起未來借、起今日用、
再起未來還

#理財 #理財觀念 #時間管理 #財務規劃 #儲蓄 #金融常識 #理財思維 #財商 #香港理財

01/08/2026

#索價事故
有醫保都要自揞荷包多一倍錢？

起過去如果要做一啲小手術(eg 腸胃鏡、關節鏡)，作為病人我地可能會預自己要留院幾日； 但隨住醫療技術進步，呢啲小手術既「住院」慢慢變成唔太必要。
咁既話，就有機會影響到保險賠償了

A生連續兩星期心口唔舒服、痛楚連帶上下腹，驚係心臟或腸胃有事，於是求診專科醫生。醫生安排佢兩星期後入私院做受食道胃十二指腸鏡同結腸鏡，結果確診胃糜爛同結腸憩室。 Ａ生有冠心病史做過通波仔，加上偶爾血壓偏低，基於安全考慮選擇住院，而主診醫生亦認同。

A生有保險，向保險公司申請賠償，金額$17600——係保單既「日間內窺鏡程序保障」。而，因「住院過夜」關係產生額外既$15000，就要A君已經拎出黎了
少賠左幾乎一半，A君當然要投訴，但Case告到上ICB(保險投訴局)審理後，維持原判 原因兩個：

1️⃣起今時今日，內窺鏡檢查起普既日間診所已經可以安全進行，產生既開支亦較細，所以只為左「做得安全啲」而選擇入院過夜，咁樣做並非醫療必需。

2️⃣「A生有冠心病史，係有需要緊密監察」呢個諗法雖然合理，但檢閱正式既醫療紀錄，A生成個住院期間都十分健康同正常，數據上並冇顯示有不穩定既心臟狀況／心血管風險，更加認證左入院過夜並冇必要性。

總之一句：起醫保既世界入面 「我覺得安全啲」同埋「真係需要」，真係兩回事黎 搞唔清楚就下決定，蝕底既就只會係要claim錢既你

#自願醫保 #保險理賠 #日間手術 #住院保險 #保險冷知識 #唔講唔知 #保險投訴局 #香港保險

30/07/2026

⚠️注意
黎緊有日本行程但而家先買旅保既話，好大好大可能已經有好多不保事項了
但已經買左同生效中既，唔會有影響👌

【接收秒速第一手資訊】如果人在日本，想留意第一手地震資訊，可以留意 YouTube 上一路直播地震資訊嘅系統，發生任何餘震都可秒速即知，在地震到達前提早準備好 👇👇連結👇👇
https://www.youtube.com/watch?v=UJYyY_mrUmo

29/07/2026

🏥上次講完百日咳賠10萬，收到個頗為敏感既DM：

「萬一中左高傳染病，被醫院強行升級去單人隔離房，買普通大房Plan既係咪都要硬食打折賠償？」
既然問到，唯有直接答你：
絕對唔會。

出面啲半桶水Agent為左想你加錢Upgrade買份貴私家房Plan，會瘋狂放大呢種恐懼：
「中傳染病隔離分分鐘自己嘔幾萬蚊呀！」

真相係，如果你買既係自願醫保，醫衛局係有成文原則規定一條免死金牌，
只要係「非自願升級」，保險公司就絕對唔可以動用病房級別調整機制，必須100%照價全賠！

但起現實，理賠部係9成都唔會自動波認為你係非自願；一見到單據寫「私家房」，第一反應就係想啟動打折機制。

要保住自己荷包，出院前你必須要求主診醫生寫明「因醫療需要/無床位而非自願升級」
有醫生專業背書，理賠部就只能乖乖按本子辦事🤙🏻

📩想知政府邊條守則寫明唔可以打折？我將實務守則同拆解，放左入我地既Notion保險防伏圖書館。

WhatsApp DM 「NOTION」即取Link ☕。如果因為呢個憂慮而想加錢轉 Plan，睇完再決定。
#自願醫保 #醫療保險 #保險防伏 #保險理賠 #病房升級 #保險冷知識 #唔講唔知 #香港保險 #保險規劃

28/07/2026

📊 「合理及慣常收費」——但你有冇諗過，點先算「合理」？

我整咗一份 Excel，一路追蹤全港 13 間私家醫院嘅住院同手術收費，持續 update。今次同上一版(2024年)比對，發現部分複雜手術嘅「最貴個案」，一年之間貴咗超過一倍。

📩 想知邊幾類手術風險最高、你張保單保唔保得住？
WhatsApp我6797-0410 📲輸入「DATA」
原檔及分析立即發送👌

#醫療保險 #自願醫保 #保險理賠 #合理及慣常收費 #私家醫院 #手術費用 #保險冷知識 #唔講唔知 #香港保險