M.S Accounting

M.S Accounting Numbers You Can Trust !
ციფრები, რომელსაც ენდობი !

09/09/2026

40,000 GEL — რატომ ვეღარ ასახავს არსებული საგადასახადო ზღვარი რეალურ ეკონომიკას? 📊

ფიზიკური პირის ქონების გადასახადით დაბეგვრის მოქმედი ზღვარი წლების წინ განისაზღვრა. მას შემდეგ მაკროეკონომიკური სურათი მნიშვნელოვნად შეიცვალა: ნომინალური ხელფასების ზრდამ, ინფლაციურმა პროცესებმა და ლარის მსყიდველუნარიანობის ცვლილებამ განაპირობა ის, რომ მექანიზმი, რომელიც თავდაპირველად მაღალშემოსავლიან სეგმენტზე იყო გათვლილი, დღეს საშუალო შემოსავლის მქონე ოჯახებზეც გავრცელდა.

ციფრების დინამიკა: ფინანსთა სამინისტროს ხაზინის მონაცემებით, 2025 წლის იანვარ-ნოემბერში ფიზიკურ პირთა მიერ გადახდილმა ქონების გადასახადმა 114 მილიონი ლარი შეადგინა — რაც წინა წლის ანალოგიურ პერიოდთან შედარებით 32%-ით (27 მლნ ლარით) მეტია.

მოსალოდნელი ცვლილებები: ოფიციალური ინფორმაციით, იგეგმება კანონმდებლობის გადასინჯვა და 40,000-ლარიანი ზღვრის გაზრდა.

💡 პრაქტიკული ეფექტი: ზღვრის კორექტირება შეამცირებს საგადასახადო წნეხს საშუალო სეგმენტზე, ოჯახებს დაუტოვებს მეტ განკარგვად შემოსავალს და უზრუნველყოფს საგადასახადო სისტემის მეტ სამართლიანობას.

როგორი იქნება ახალი ზღვარი და რა ვადებში იგეგმება ცვლილების ამოქმედება — თვალს ვადევნებ საკანონმდებლო პროცესს და დეტალებს ეტაპობრივად გაგიზიარებთ.

#საგადასახადოპოლიტიკა #ქონებისგადასახადი #ფინანსები #ეკონომიკა

09/09/2026

🏢 ბოლო დროს მეწარმეები ხშირად სვამენ კითხვას: რა ხდება შპს-ის გაუქმების დროს და რა ეტაპების გავლით იხურება კომპანია?

კომპანიის დახურვა ისეთივე მნიშვნელოვანი და საპასუხისმგებლო პროცესია, როგორც მისი დაფუძნება. საქართველოში შპს-ის გაუქმება (ლიკვიდაცია) საკმაოდ ფორმალიზებული პროცედურაა, რომელიც რეგულირდება „მეწარმეთა შესახებ“ საქართველოს კანონით.

კანონი განასხვავებს ლიკვიდაციის ორ საფუძველს:
1️⃣ ნებაყოფლობითი ლიკვიდაცია — დამფუძნებლების გადაწყვეტილებით (ყველაზე გავრცელებული გზა).
2️⃣ იძულებითი ლიკვიდაცია — სასამართლოს გადაწყვეტილებით (გაკოტრების ან სერიოზული სამართალდარღვევის დროს).

ქვემოთ განვიხილავთ ნებაყოფლობითი ლიკვიდაციის 7 ძირითად ეტაპს:

📌 1. დამფუძნებელთა გადაწყვეტილება
დამფუძნებელთა კრებაზე მიიღება ოფიციალური გადაწყვეტილება ლიკვიდაციის პროცესის დაწყების შესახებ.
📌 2. დავალიანებების შემოწმება და დაფარვა
აუცილებელია დარწმუნდეთ, რომ კომპანიას არ აქვს გადაუხდელი ვალები მომწოდებლების, თანამშრომლებისა თუ სახელმწიფოს მიმართ.
📌 3. განაცხადის შეტანა საჯარო რეესტრში
საჯარო რეესტრში განაცხადის დარეგისტრირებისთანავე კომპანია იღებს სტატუსს — „ლიკვიდაციის პროცესში მყოფი“.
📌 4. საგადასახადო შემოწმება
შემოსავლების სამსახური ატარებს შემოწმებას (ძირითადად კამერალურს) დარიცხვებისა და გადასახადების გადახდის სისწორის დასადგენად.
📌 5. დეკლარაციების წარდგენა
წერილობითი ფორმით ბარდება ბოლო თვის მოგების გადასახადისა და ბოლო საანგარიშო წლის ქონების გადასახადის დეკლარაციები.
📌 6. ინვენტარიზაცია და ანგარიშების დახურვა
ხდება ქონების აღწერა/შეფასება. ვალების დაფარვის შემდეგ დარჩენილი თანხა ნაწილდება დამფუძნებლებს შორის, რის შემდეგაც იხურება საბანკო ანგარიშები.
📌 7. საბოლოო ამორიცხვა რეესტრიდან
საგადასახადო დავალიანების არარსებობის შემთხვევაში, შემოსავლების სამსახური ცნობას გადასცემს საჯარო რეესტრს, ხოლო კომპანია საბოლოოდ ამოირიცხება იურიდიულ პირთა რეესტრიდან.

⚠️ მნიშვნელოვანი დეტალები:

🔹 „გაუქმება“ vs „ლიკვიდაცია“: ლიკვიდაცია არის თვითონ პროცესი (ქონების აღწერა, ვალების მოგვარება), ხოლო გაუქმება — საბოლოო შედეგი (რეესტრიდან ამოღება).
🔹 ვადები: დავალიანების არარსებობის შემთხვევაში პროცესი კანონით 4 თვეს მოიცავს. ვალების ან სასამართლო დავების შემთხვევაში ვადა იზრდება.
🔹 დისტანციური მართვა: ყველა ეტაპის გავლილი შესაძლებელია მინდობილობით, საქართველოში ჩამოუსვლელად.

💡 პრაქტიკული რჩევა: თუ საბუღალტრო აღრიცხვა გამართულად გქონდათ წარმოებული, საგადასახადო შემოწმება სწრაფად ჩაივლის. ხოლო უზუსტობების ან დავალიანების არსებობისას, პროცესის დაწყებამდე აუცილებლად გაიარეთ კონსულტაცია იურისტთან ან ბუღალტერთან.

შენიშვნა: პოსტი ატარებს საინფორმაციო ხასიათს და არ წარმოადგენს ინდივიდუალურ იურიდიულ ან საგადასახადო კონსულტაციას.

09/07/2026

🚨 თუ თქვენი კომპანია დღგ-ის გადამხდელია, ეს ცვლილება აუცილებლად უნდა იცოდეთ.

2026 წლის 1 ოქტომბრიდან შემოსავლების სამსახური საგადასახადო ანგარიშ-ფაქტურების დადასტურების ახალ წესს აამოქმედებს.

რას ნიშნავს ეს პრაქტიკაში?

თუ თქვენს კომპანიას დარჩება დასადასტურებელი საგადასახადო ანგარიშ-ფაქტურა და ის არ იქნება დადასტურებული ან უარყოფილი საანგარიშო პერიოდის დასრულების მომდევნო თვის 5 რიცხვამდე, ავტორიზებულ გვერდზე სერვისებით სარგებლობა შეგეზღუდებათ.
🔴 ამ შემთხვევაში ხელმისაწვდომი დარჩება მხოლოდ ანგარიშ-ფაქტურების მოდული, ხოლო დანარჩენ ელექტრონულ სერვისებზე წვდომა აღდგება მხოლოდ მას შემდეგ, რაც ანგარიშ-ფაქტურას დაადასტურებთ ან უარყოფთ.

რატომ არის ეს მნიშვნელოვანი?
✔ აღარ მოგიწევთ ხშირ შემთხვევაში დაზუსტებული დღგ-ის დეკლარაციების წარდგენა;
✔ თქვენი ბიზნესპარტნიორი დროულად შეძლებს დღგ-ის ჩათვლას;
✔ თავიდან აიცილებთ შემოსავლების სამსახურის ელექტრონულ სერვისებზე წვდომის შეზღუდვას;
✔ თქვენი საგადასახადო პროცესები უფრო გამართული და ეფექტური გახდება.

💡 ჩემი რეკომენდაცია ბიზნესებისთვის:
ნუ დატოვებთ ანგარიშ-ფაქტურების დადასტურებას თვის ბოლოსთვის. საუკეთესო პრაქტიკაა, პასუხისმგებელმა პირმა კვირაში რამდენჯერმე ან ყოველდღიურად გადაამოწმოს ავტორიზებული გვერდი და დროულად დაამუშაოს შემოსული ანგარიშ-ფაქტურები.

დღეს ბუღალტერია მხოლოდ დეკლარაციების შევსება აღარ არის, ეს არის პროცესების სწორი მართვა, რომელიც კომპანიას ზედმეტი რისკებისა და დროის დაკარგვისგან იცავს.
თქვენს კომპანიაში უკვე არსებობს საგადასახადო ანგარიშ-ფაქტურების დადასტურების შიდა პროცესი?
გაგვიზიარეთ კომენტარებში, როგორ მართავთ ამ პროცესს. 👇
თუ გჭირდებათ დახმარება საგადასახადო პროცესების ორგანიზებაში ან საბუღალტრო მომსახურებაში, სიამოვნებით დაგეხმარებით. 💌

#ბუღალტერია #დღგ #საგადასახადო #მეწარმეობა

🆕 გამოქვეყნდა და ამოქმედდა საქართველოს ფინანსთა სამინისტროს №143 საჯარო გადაწყვეტილება 📰 #გადასახადები
02/06/2026

🆕 გამოქვეყნდა და ამოქმედდა საქართველოს ფინანსთა სამინისტროს №143 საჯარო გადაწყვეტილება 📰 #გადასახადები

რამდენიმე პრაქტიკული რჩევა დამწყები და მზარდი ბიზნესებისთვის:• თავიდანვე გაყავით პირადი და ბიზნეს ფინანსები• აკონტროლეთ ...
19/05/2026

რამდენიმე პრაქტიკული რჩევა დამწყები და მზარდი ბიზნესებისთვის:

• თავიდანვე გაყავით პირადი და ბიზნეს ფინანსები

• აკონტროლეთ Cash Flow და არა მხოლოდ შემოსავალი

• დროულად მოაწესრიგეთ დოკუმენტაცია

• შექმენით პროცესები ყველაზე პატარა ოპერაციებისთვისაც კი

• იმუშავეთ ნდობაზე და სტაბილურობაზე — არა მხოლოდ ხილვადობაზე

ბიზნესის ზრდა იშვიათად იქმნება “დიდი მომენტებით”.

უმეტეს შემთხვევაში, შედეგს ყოველდღიური დისციპლინა განსაზღვრავს:

დროული კომუნიკაცია, სწორი აღრიცხვა, follow-up, პასუხისმგებლობა და ფინანსური კონტროლი.

ძლიერი ბიზნესი მხოლოდ კარგი პროდუქტი ან სერვისი არ არის.

ეს არის სისტემა, რომელსაც კლიენტი ენდობა.

რაც უფრო ადრე იწყება ამ ჩვევების დანერგვა, მით უფრო მარტივი ხდება სტაბილური და ჯანსაღი ზრდა.

📞 593 55 77 58

____

A few practical reminders for growing businesses:

• Separate personal and business finances from day one

• Track cash flow regularly — not just revenue

• Organize documentation before it becomes a problem

• Build processes early, even for small tasks

• Focus on trust and consistency, not only visibility

Growth is rarely built on “big moments.”

More often, it comes from small disciplines repeated consistently:

timely communication, accurate reporting, follow-ups, and financial clarity.

A strong business is not only about selling a product or service.

It’s about creating systems people can rely on.

The earlier these habits are implemented, the easier sustainable growth becomes.

📞 593 55 77 58

ხშირად ვამბობთ ხოლმე, რომ ბუღალტერია წარსულ ოპერაციებზე ორიენტირებული სფეროა, ერთგვარი მზერა უკვე მომხდარ ტრანზაქციებზე....
07/05/2026

ხშირად ვამბობთ ხოლმე, რომ ბუღალტერია წარსულ ოპერაციებზე ორიენტირებული სფეროა, ერთგვარი მზერა უკვე მომხდარ ტრანზაქციებზე.
მაგრამ ჩვენი გამოცდილებით, ეს მხოლოდ დასაწყისია. წარსული მონაცემები სინამდვილეში მომავლის პროგნოზირების საუკეთესო ინსტრუმენტია. თუ ანგარიშგებებს შორის კავშირებს სწორად დავინახავთ, ბუღალტერია მშრალი აღრიცხვიდან სტრატეგიულ მრჩევლად ტრანსფორმირდება.
ჩვენთვის, M.S-ში, ციფრები გვიჩვენებს გზას, თუ სად შეიძლება ვიყოთ ხვალ.
📎 საბოლოო ჯამში, ნამდვილი ღირებულება სწორედ აქ იწყება: როცა წარსულის ანალიზი ხვალინდელ, უფრო ჭკვიანურ გადაწყვეტილებებში გადადის.

________________

We often say that accounting is focused on past operations, a look back at transactions that have already taken place.
However, in our experience, this is just the beginning. Past data is actually the most powerful tool for predicting the future. When we identify the right patterns within financial reports, accounting transforms from mere record-keeping into a strategic advisor.
At M.S, numbers don't just tell us where we’ve been; they show us where we could be tomorrow.
📎 Ultimately, the true value begins at the point where analyzing the past turns into making smarter decisions for the future.

hashtag hashtag hashtag hashtag hashtag hashtag 📈

ბიზნესის წარმატება სწორ ფინანსურ მართვაზეა დამყარებული."M.S. ACCOUNTING"-ში ჩვენ კარგად გვესმის, რომ ციფრები მხოლოდ სტატ...
04/05/2026

ბიზნესის წარმატება სწორ ფინანსურ მართვაზეა დამყარებული.

"M.S. ACCOUNTING"-ში ჩვენ კარგად გვესმის, რომ ციფრები მხოლოდ სტატისტიკა არ არის - ეს შენი ბიზნესის ისტორიაა.
ჩვენი მიზანია, ვიყოთ შენი სანდო პარტნიორი ფინანსურ საკითხებში, რათა შენ შეძლო სრულად კონცენტრირდე შენი ბიზნესის ზრდაზე.

ჩვენი პრინციპებია:
🎯 სიზუსტე – ყოველი ციფრი მნიშვნელოვანია.
✅ სანდოობა – ჩვენზე იმედის დამყარება ყოველთვის შეგიძლიათ.
🔒 კონფიდენციალურობა – თქვენი ინფორმაცია დაცულია.

დაგვიკავშირდით დღესვე, რომ გაიგოთ, როგორ შეგვიძლია დაგეხმაროთ ფინანსების ოპტიმიზაციაში.
________________________________________________________

Business success is built on a foundation of sound financial management.

At M.S. Accounting, we understand that numbers are not just statistics – they are the story of your business. Our goal is to be your trusted financial partner, allowing you to focus completely on growing your company.

Our core principles:
🎯 Accuracy – Every digit counts.
✅ Reliability – You can always depend on us.
🔒 Confidentiality – Your information is protected to the highest standards.

Contact us today to learn how we can help optimize your finances.

💱 ბიზნესების უმეტესობა იმიტომ კი არ იძირება, რომ ფულს ვერ აკეთებს, არამედ იმიტომ, რომ „ბრმად“ იმართება. გამართული ბუღალტ...
22/04/2026

💱 ბიზნესების უმეტესობა იმიტომ კი არ იძირება, რომ ფულს ვერ აკეთებს, არამედ იმიტომ, რომ „ბრმად“ იმართება. გამართული ბუღალტერიის გარეშე, უბრალოდ მარჩიელობ, სად გადის შენი რესურსი.
უხილავი ხარჯები: ვერაფრით შეამცირებ ხარჯს, რომელსაც საერთოდ ვერ ხედავ.
ილუზორული მოგება: საბანკო ანგარიშზე არსებული ნაშთი არ ნიშნავს, რომ ბიზნესი რეალურად მოგებაზეა.
დაგვიანებული რეაგირება: ხშირად პრობლემას მაშინ ამჩნევენ, როცა უკვე გვიანია.
რეალობა ასეთია: თუ ციფრებს არ ფლობ, ბიზნესს კი არ მართავ - უბრალოდ იღბალს ეყრდნობი.

💱 Most businesses don't actually fail because they aren't making money. They fail because they’re flying blind. Without solid bookkeeping, you're just guessing where your cash is going.
Think about it:
The "Leak" Factor: You can't plug holes in your expenses if you don't see them.
Phantom Profits: Looking at a bank balance isn't the same as knowing your actual margin.
Analysis Paralysis: By the time you realize there's a problem, it’s usually too late to fix it.
Bottom line? If you don’t know your numbers, you’re not running a business - you’re just hoping for the best.

რა არის კონტროლირებადი ოპერაციები, ვის ეხება და რა უნდა გავითვალისწინოთკონტროლირებადი ოპერაციები არის ის გარიგებები, რას...
14/04/2026

რა არის კონტროლირებადი ოპერაციები, ვის ეხება და რა უნდა გავითვალისწინოთ

კონტროლირებადი ოპერაციები არის ის გარიგებები, რასაც აკეთებ შენს “დაკავშირებულ პირებთან”.
ანუ, როცა ბიზნესში ურთიერთობა გაქვს:

შენს მეორე კომპანიასთან
დამფუძნებელთან / პარტნიორთან
ახლო ნათესავის ბიზნესთან

💡 რატომ არის ეს მნიშვნელოვანი?
რადგან ასეთ გარიგებებში შესაძლებელია ფასის ხელოვნურად შეცვლა (მაგ. მოგების შემცირება გადასახადის დასაზოგად).
ამიტომ სახელმწიფო ითხოვს, რომ ყველა ასეთი ოპერაცია იყოს საბაზრო ფასებთან შესაბამისი.

📌 ვის ეხება?

👉 არა მხოლოდ დიდ კომპანიებს
👉 უკვე რეალურად ეხება მცირე და საშუალო ბიზნესსაც

თუ გაქვს მსგავსი ტიპის ურთიერთობები დიდი შანსია, რომ შენც ამ კატეგორიაში ხვდები.

📌 რა შეიცვალა 2026 წელს?

2026 წლიდან კონტროლი გამკაცრდა:

გაიზარდა ყურადღება მცირე და საშუალო ბიზნესზე
უფრო დეტალურად მოწმდება ფასების შესაბამისობა ბაზართან
დოკუმენტაციის მოთხოვნები გახდა უფრო მკაფიო

👉 “ჩვენ პატარა ვართ, არ შეგვეხება” - ეს მიდგომა უკვე აღარ მუშაობს.

📌 რა უნდა გაითვალისწინო?

თუ გაქვს დაკავშირებულ პირებთან ოპერაციები:

გადაამოწმე, საბაზრო ფასებით აკეთებ თუ არა გარიგებებს
შეინახე დასაბუთება (რატომ ღირს ეს სერვისი/საქონელი ამდენი)
არ გადადო წლის ბოლოსთვის , ჯობს წინასწარ გააკონტროლო

📌 დეკლარაციაში როგორ ასახო?

დეკლარაციის შევსებისას:

გამოყავი კონტროლირებადი ოპერაციები ცალკე
მიუთითე ოპერაციის ტიპი და თანხა
საჭიროების შემთხვევაში დაამატე შესაბამისი ინფორმაცია (ტრანსფერული ფასები)

❗ თუ არასწორად ასახავ ან გამოგრჩება - იზრდება ჯარიმისა და საგადასახადო რისკის შანსი.

იცოდით, რომ Luca Pacioli, რომელსაც დღეს ხშირად „ბუღალტერიის მამას“ ვუწოდებთ, სინამდვილეში არც ბუღალტერიის გამომგონებელია...
08/04/2026

იცოდით, რომ Luca Pacioli, რომელსაც დღეს ხშირად „ბუღალტერიის მამას“ ვუწოდებთ, სინამდვილეში არც ბუღალტერიის გამომგონებელია და არც ორმაგი ჩანაწერის სისტემის ავტორი?
თურმე მისი ყველაზე ცნობილი ნაშრომი 1494 წელს გამოცემული Summa de Arithmetica, Geometria, Proportioni et Proportionalità საერთოდ არ იყო მხოლოდ ბუღალტერიაზე დაწერილი წიგნი. ისტორიკოსები წერენ, რომ ეს იყო დიდი მათემატიკური კრებული, სადაც ბუღალტერია მხოლოდ ერთ მცირე ნაწილს წარმოადგენდა, თუმცა სწორედ ეს ნაწილი გახდა ყველაზე გავლენიანი მომავალში.
თურმე თავად პაჩიოლიც არ ამტკიცებდა, რომ ორმაგი ჩანაწერის სისტემა მან შექმნა. ის პირდაპირ აღნიშნავდა, რომ აღწერდა იმ დროს უკვე არსებულ „ვენეციურ მეთოდს“, რომელსაც ვაჭრები აქტიურად იყენებდნენ. ანუ ის უფრო დამკვირვებელი და განმმარტებელი იყო, ვიდრე გამომგონებელი.
ისტორიკოსები წერენ კიდევ ერთ საინტერესო დეტალსაც , მისი ცნობილი ბუღალტრული ნაწილი, Particularis de Computis et Scripturis, თავიდან საერთოდ არ ყოფილა დამოუკიდებელი სახელმძღვანელო. უფრო მეტიც, ტექსტში ჩანს სხვადასხვა სტილისა და მეთოდის შერწყმა, რაც აჩენს ვარაუდს, რომ ის შესაძლოა სხვადასხვა წყაროდან იყო კომპილირებული.
და მაინც, თუ პაჩიოლიმ არ შექმნა სისტემა, მაშინ რატომ არის მისი სახელი ასე მნიშვნელოვანი?
მისი რეალური წვლილი იმაში მდგომარეობს, რომ მან უკვე არსებული პრაქტიკა დაალაგა, აღწერა და გასაგებად ჩამოაყალიბა. მან ბუღალტერია აქცია ცოდნად, რომლის გადაცემა და სწავლება შესაძლებელი გახდა.
შესაძლოა სწორედ ამიტომაც დარჩა მისი სახელი ისტორიაში ასე მყარად, იმიტომ, რომ ზოგჯერ ყველაზე დიდი გავლენა არ აქვს იმას, ვინც პირველად ქმნის იდეას, არამედ იმას, ვინც მას წესრიგს და ფორმას აძლევს.

#ბუღალტერია #ფინანსები

Address

13a Tamarashvili Street
Tbilisi

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Website

Alerts

Be the first to know and let us send you an email when M.S Accounting posts news and promotions. Your email address will not be used for any other purpose, and you can unsubscribe at any time.

Shortcuts

Share

Category