Tax Solutions

28/08/2026

ფაქტურის დადასტურება პირის მიერ, რომელიც არ არის რეგისტრირებული დღგ-ის გადამხდელად

📌 კითხვა:

ვარ მცირე მეწარმე და არ ვარ რეგისტრირებული დღგ-ის გადამხდელად. შევიძინე საქონელი, რაზეც მაღაზიამ გამომიწერა ზედნადები და ანგარიშ-ფაქტურა. მაინტერესებს, ასეთ შემთხვევაში შემიძლია თუ არა ფაქტურის დადასტურება?

✅ პასუხი:

მიუხედავად იმისა, რომ არ ხართ რეგისტრირებული დღგ-ის გადამხდელად, ანგარიშ-ფაქტურის დადასტურება შესაძლებელია. აღნიშნული არ წარმოშობს დამატებით საგადასახადო ვალდებულებას.

#დღგ #ანგარიშფაქტურა #მცირებიზნესი #მეწარმე #საგადასახადო #გადასახადები #ბუღალტერია

27/08/2026

ფიქსირებული გადასახადის გადამხდელის სტატუსი

📌 კითხვა:

შეუძლია თუ არა შპს-ს ფიქსირებული გადასახადის გადამხდელად დარეგისტრირება?

✅ პასუხი:

შეუძლია. საქართველოს საგადასახადო კოდექსის მე-8 და 95¹ მუხლების მიხედვით, ფიქსირებული გადასახადის გადამხდელი შეიძლება იყოს როგორც ფიზიკური, ასევე იურიდული პირი.

#ფიქსირებულიგადასახადი #შპს #გადასახადები #საგადასახადო #ბუღალტერია #ბიზნესი

24/08/2026

მიწის გაყიდვისას წარსადგენი დეკლარაცია

📌 კითხვა:

ვარ ფიზიკური პირი. ვიყიდე მიწა და რამდენიმე თვეში გავყიდე. მაინტერესებს, რომელი დეკლარაცია უნდა წარვადგინო და რა ვადაში?

✅ პასუხი:

თუ აღნიშნული მიწის რეალიზაცია განხორციელდა არასამეწარმეო საქმიანობის ფარგლებში, უნდა წარადგინოთ „ფიზიკური პირის მიერ ქონების/აქტივის მიწოდებაზე საშემოსავლო გადასახადის დეკლარაცია“.

დეკლარაცია უნდა წარადგინოთ არაუგვიანეს მიწის რეალიზაციის თვის მომდევნო თვის 15 რიცხვისა.

#მიწისგაყიდვა #ქონებისრეალიზაცია #ფიზიკურიპირი #დეკლარაცია #გადასახადები #ბუღალტერია

03/08/2026

ერთი უკან დაბრუნების ზედნადებით რამდენიმე ანგარიშ-ფაქტურის კორექტირება

📌 კითხვა:

ამ თვეში მყიდველმა დაგვიბრუნა სხვადასხვა პერიოდში შეძენილი საქონელი, რომელზეც გამოვწერეთ ერთი უკან დაბრუნების ზედნადები. მყიდველი გვთხოვს შესაბამისი ანგარიშ-ფაქტურების კორექტირებას, თუმცა ტექნიკურად ვერ ვახერხებ. შესაძლებელია თუ არა აღნიშნულის განხორციელება?

✅ პასუხი:

დიახ, შესაძლებელია. ანგარიშ-ფაქტურის კორექტირებისას, უკან დაბრუნების ზედნადების არჩევის შემდეგ მონიშნეთ ფუნქცია „პროდუქციის გარეშე გადატანა“.

ამის შემდეგ ანგარიშ-ფაქტურაში ხელით შეასწორეთ ამ ფაქტურიდან დაბრუნებული საქონლენზე ინფორმაციას.

ანალოგიურად მოიქეცით დანარჩენ ანგარიშ-ფაქტურებთანაც — თითოეულ მათგანს მიაბით იგივე უკან დაბრუნების ზედნადები, მონიშნეთ „პროდუქციის გარეშე გადატანა“ და ხელით მოახდინეთ მხოლოდ შესაბამისი საქონლის კორექტირება.

#ანგარიშფაქტურა #ფაქტურისკორექტირება #უკანდაბრუნება #ბუღალტერია

01/08/2026

საგადასახადო გირავნობა/იპოთეკის შესახებ ინფორმაციის გადამოწმება

📌 კითხვა:

ბიუჯეტის მიმართ დავალიანების გამო დამედო საგადასახადო გირავნობა/იპოთეკა. დავალიანება უკვე გადავიხადე, თუმცა შემოსავლების სამსახურისგან ჯერ პასუხი არ მიმიღია. როგორ შემიძლია გადავამოწმო, მოიხსნა თუ არა?

✅ პასუხი:

აღნიშნულის გადამოწმება შეგიძლიათ my.gov.ge-ზე, „ყადაღისა და საგადასახადო გირავნობა/იპოთეკის რეესტრის“ მეშვეობით. შესაბამის ბმულს კომენტარებში დავურთავ.

ასევე, ინფორმაციის მისაღებად შეგიძლიათ დაუკავშირდეთ შემოსავლების სამსახურის ცხელ ხაზს.

#საგადასახადოგირავნობა #იპოთეკა #შემოსავლებისსამსახური

31/07/2026

ქონების გადასახადის მიზნებისთვის შემოსავლებში არ გაითვალისწინება

📌 კითხვა:

მამისგან ჩუქებით მიღებული ბინის ღირებულება ან ამ ბინის გაყიდვის შედეგად მიღებული შემოსავალი ქონების გადასახადის მიზნებისთვის მიღებულ შემოსავალში ჩაითვლება?

✅ პასუხი:

თუ ბინა მამისგან ჩუქებით გაქვთ მიღებული, საგადასახადო კოდექსის 202-ე მუხლის მიხედვით, მისი ღირებულება ქონების გადასახადის მიზნებისთვის მიღებულ შემოსავალში არ გაითვალისწინება.

ასევე, თუ ბინა 2 წელზე მეტი ხნის განმავლობაში იყო თქვენს საკუთრებაში, მისი გაყიდვით მიღებული შემოსავალიც ქონების გადასახადის მიზნებისთვის მიღებულ შემოსავალში არ ჩაითვლება.

#ქონებისგადასახადი #ჩუქება #ბინისგაყიდვა #საგადასახადოკოდექსი

24/07/2026

Glovo, Wolt - ით მიღებული შემოსავლის აღრიცხვა

📌 კითხვა:
მაქვს საცხობი და ვიყენებ Wolt-ის მომსახურებას, რომელიც პერიოდულად გაყიდული პროდუქციის თანხას მირიცხავს ანგარიშზე. რა თანხა უნდა დაიბეგროს?

✅ პასუხი:
დასაბეგრი ბრუნვის განსაზღვრისას უნდა გაითვალისწინოთ საანგარიშო პერიოდში გაყიდული პროდუქციის სრული ღირებულება და არა მხოლოდ ის თანხა, რომელიც ანგარიშზე ჩაგერიცხათ, რადგან Wolt ანგარიშზე გირიცხავთ გაყიდული პროდუქციის თანხას საკუთარი საკომისიოს გამოკლებით.
საანგარიშო პერიოდში გაყიდული პროდუქციის სრული ღირებულების ნახვა შეგიძლიათ Wolt-ის პარტნიორის ელექტრონულ პორტალზე.

#მცირებიზნესი #ბუღალტერია #საგადასახადო

24/07/2026

ნოტარიულად დამოწმებული მინდობილობის ნახვა

📌 კითხვა:
თუ შემიძლია ნოტარიულად დამოწმებული მინდობილობის ნახვა?

✅ პასუხი:
ნოტარიულად დამოწმებული მინდობილობის ნახვა შეგიძლიათ my.gov.ge-ზე, „სანოტარო მოქმედებათა ელექტრონული რეესტრის“ მეშვეობით.
ამისთვის უნდა შეიყვანოთ სანოტარო მოქმედების
რეგისტრაციის ნომერი;
ინდივიდუალური ნომერი.

🔗 შესაბამის ბმულს კომენტარებში დავურთავ.

#მინდობილობა #ნოტარიუსი #იურიდიულიინფორმაცია

21/07/2026

15/07/2026

ინდივიდუალური მეწარმის მიერ გაწეული მომსახურების დაბეგვრა

📌 კითხვა:
ინდივიდუალურმა მეწარმემ, რომელსაც აქვს მცირე ბიზნესის სტატუსი, გაგვიწია მომსახურება. საშემოსავლო გადასახადის დეკლარაციაში ამ თანხას ვბეგრავთ თუ მხოლოდ ინფორმაციას ვუთითებთ?

✅ პასუხი:
თუ მომსახურების გამწევს აქვს ინდივიდუალური მეწარმისა და მცირე ბიზნესის სტატუსი, გადამხდელი საწარმო საშემოსავლო გადასახადს არ აკავებს (არ ბეგრავს). დეკლარაციაში მხოლოდ ინფორმაციის სახით მიუთითებთ შესაბამის მონაცემებს. 😊

#მცირებიზნესი #ინდმეწარმე #საშემოსავლოგადასახადი #ბუღალტერია